HAQQIMIZDA
Avrora Ticarət Şirkəti 01 noyabr 1993-cü ildə yaradılmışdır. Şirkət fəaliyyət istiqamətlərini genişləndirmək məqsədi ilə 2001-ci ildə Avrora MMC olaraq rebrendinq etmiş və yenidən qeydiyyatdan keçmişdir. Avrora fəaliyyətinə yerli və xarici zavod və fabriklərin istehsal etdikləri məhsulların ölkəmizdə dağıtımını həyata keçirməklə başlayıb. Avrora Qrup hal-hazırda ölkəmizin ən aparıcı distributor şirkətlərindən biridir.
Avrora Qrup öz fəaliyyətini hal-hazırda 2 istiqamətdə - Distributor və İstehsal üzrə davam etdirir. Beynəlxalq şirkətlərin, zavod və fabriklərin etibarlı partnyoru olan Avrora Grup-un portfoliosuna Danone, Ehrman, Rolton, Hochland, Chivas, Glenfiddich kimi aparıcı şirkətlər daxildir. Avrora distributor fəaliyyətini daha peşəkar və kəsintisiz həyata keçirmək üçün mərkəzi ofis Bakı olmaqla Gəncə, Lənkəran, Bərdə, Quba, Göyçay, Şəki və Saatlıda da lokal ofisləri fəaliyyət göstərir. Şirkətin ümumi sahəsi 20437 kv/m olan loqistika mərkəzləri vardır. Avrora Distribyuter hal-hazırda 12000-dən çox ticarət nöqtəsinə 800-dən çox brendin satışını həyata keçirir.
Avrora Qrup eyni zamanda Azərbaycanın aparıcı istehsal şirkətlərindən biridir. Avrora Qrup-un Makaron fabriki, Qənnadı fabriki, Qazlı içkilər fabriki və Un və yem istehsalı fabriki vardır.
Elan : “Daxili Nəzarət Üzrə Aparıcı Mütəxəssis”
Sizin əsas vəzifə öhdəlikləriniz :
• Şöbə daxilində tabeçiliyində olan əməkdaşların iş fəaliyyətini təşkil etmək
• Şirkət daxili komissiyalarda,işçi qruplarda təmsil olunmaq,
• İllik Daxili nəzarət yoxlama planları və proqramları əsasında daxili nəzarət yoxlamalarının aparılmasının təmin edilməsi;
• Daxili nəzarət planına uyğun olaraq iş yükünün tabeliyində olan əməkdaşlar arasında bölgüsünün təmini,icra və xidmət intizamına riayət edilməsinə nəzarətin təşkil edilməsi
• Təşkilatın əməliyyat səmərəliliyinin artırılması, uyğunsuzluqların aşkarlanması,aradan qaldırılması və müvafiq qaydalara riayət olunması üçün cari nəzarət yoxlamalarının təşkil edilməsi
• Proseslərin idarə edilməsində prosedurların tətbiqinin effektivliliyinin yoxlanılması, normativ sənədlərin tətbiq edilməsinə dair üst rəhbərinə hesabatın təqdim edilməsi
• Nəzarət mühitinin səmərəliliyini təmin etmək məqsədi ilə,çatışmazlıqları müəyyən etmək, dəyişiklikləri tövsiyə etmək
• Dəlillərin müəyyən edilməsi, sübutların nəzərdən keçirilməsi və uyğunsuzluqların aradan qaldırılması istiqamətində tənzimləyici fəaliyyət;
• Periodik nəzarətlərin koordinasiya edilməsi;
• Aktivlərin qorunması və səmərəli istifadəsinə nəzarətin təmin edilməsi,sahələrdə planlı və plandan kənar sayımların həyata keçirilməsinin təmin edilməsi.
• Likvid olmayan mal və materialların silinmə proseslərinə nəzarətin təşkil edilməsi;
• Daxili nəzarət yoxlama nəticələri, verilmiş tövsiyyələr və onların icra müddətlərinin müəyyən edilməsinə dair hesabatların üst rəhbərinə təqdim edilməsi;
• Daxili nəzarət mühitinin qiymətləndirilməsinə dair tapşırıqların yerinə yetirilməsi;
• Əməyin mühafizəsi üzrə müvafiq normativ aktlarda nəzərdə tutulmuş əməyin təhlükəsizliyi, gigiyenası və yanğına qarşı mühafizə tələblərinin öyrənilməsi, mənimsənilməsi və onlara əməl edilməsi;
• Əməyin mühafizəsi qaydalarının bütün pozuntuları haqqında, həmçinin baş vermiş qəzalar və bədbəxt hadisələr haqqında işəgötürənin nümayəndələrinə dərhal məlumat verilməsi;
• Müntəzəm olaraq əməyin mühafizəsi normaları və qaydaları barədə biliklərin artırılması;
• Əməyin mühafizəsi məsələləri ilə əlaqədar işəgötürənin, iş yeri üzrə rəhbərinin, mütəxəssislərin tapşırıqlarına, məsləhətlərinə, tövsiyələrinə əməl edilməsi.
Konfidensiallığın qorunmasına riayət edilməsi;
Sizdən tələb olunan təhsil və iş təcrübəsi :
• Ali təhsil (İqtisadiyyat, maliyyə);
• 3-5 il Daxili Audit, Daxili Nəzarət və ya Biznes Proseslərdə iş təcrübəsi;
• MS Office (Word, Excel) proqramları üzrə biliklər;
• Riskin idarə edilməsi, nəzarət mexanizmlərin və müasir nəzarət strukturları barədə müəyyən edilmiş praktik biliklər;
• Komanda yoldaşları və digər işçi heyəti ilə həmahəng iş münasibətləri qurmaq və qoruyub saxlamaq, peşəkar komanda mühitində effektiv fəaliyyət göstərmək bacarığı;
• Dəqiqlik, detallara fikir vermək, şəffaflığa bağlılıq;
Bizim iş şərtləri :
• İş qrafiki : Tam iş günü (5 gün);
• İş saatları: 09:00-18:00;
• İş yeri : HÖKMƏLİ;
• Nahar şirkət tərəfindən təmin olunur.
Biz nə təklif edirik :
• Karyera və peşəkar inkişaf üçün əla imkanlar;
• Təlim və inkişaf proqramlarının geniş çeşidi;
• Mükəmməl peşəkar komanda və mehriban mühit;
• Sağlamlıq və həyat sığortası.
Göstərilən tələblərə cavab verən namizədlərdən CV-lərini mövzu yerinə “Daxili Nəzarət Üzrə Aparıcı Mütəxəssis” yazaraq [email protected] ünvanına göndərmələri xahiş olunur. Yalnız tələblərə cavab verən namizədlər müsahibəyə dəvət olunacaqdır.
