Arı Global

Xaricdə Təhsil üzrə Koordinator

 Son tarix 28 sen 2026 - [email protected]

ARI Beynəlxalq Təhsil Mərkəzi komandamıza xarici universitetlər və beynəlxalq təhsil proqramları ilə işləməyi sevən, araşdırma qabiliyyəti yüksək, məsuliyyətli, sistemli və inkişaf yönümlü Xaricdə Təhsil üzrə Koordinator axtarırıq.

Bu vəzifədə əməkdaş yalnız tələbəyə hazır məlumat təqdim etməyəcək. Əsas məqsəd hər bir tələbənin akademik göstəricilərinə, dil səviyyəsinə, məqsədlərinə və imkanlarına uyğun ən doğru təhsil variantını araşdırmaq, müraciət prosesini sistemli şəkildə idarə etmək və tələbəni qəbul mərhələsinə qədər müşayiət etməkdir.

Vəzifə öhdəlikləri

• Almaniya, Avstriya və digər Avropa ölkələrinin universitetləri, Studienkolleg-lər və təhsil proqramlarının araşdırılması;
• Universitetlərin qəbul şərtlərinin, ixtisas tələblərinin, müraciət tarixlərinin, təhsil haqlarının, dil tələblərinin və digər vacib məlumatların dəqiq təhlil edilməsi;
• Tələbənin akademik göstəricilərinə, dil səviyyəsinə, büdcəsinə və təhsil məqsədinə uyğun universitet və ixtisasların müəyyənləşdirilməsi;
• Tələbə üçün uyğun universitet və proqram alternativlərinin hazırlanması;
• Tələbənin müraciət strategiyasının formalaşdırılması;
• Studienkolleg və bakalavr/magistr proqramlarına müraciət prosesinin başlanğıcdan qəbul mərhələsinə qədər idarə olunması;
• Universitetlərə, Uni-Assist və digər qəbul platformalarına müraciətlərin həyata keçirilməsi;
• Tələbə sənədlərinin universitet və proqram tələblərinə uyğun hazırlanması və yoxlanılması;
• Sənədlərdə çatışmazlıqların və uyğunsuzluqların əvvəlcədən müəyyənləşdirilməsi;
• Universitetlərlə ingilis və/və ya alman dilində rəsmi yazışmaların aparılması;
• Tələbə və valideynlərin müraciət prosesinin gedişatı barədə vaxtında və düzgün məlumatlandırılması;
• Universitetlərin deadline, müraciət tarixləri və əlavə sənəd tələblərinin sistemli şəkildə izlənilməsi;
• Hər bir tələbənin müraciət statusunun CRM və daxili sistemlərdə vaxtında yenilənməsi;
• Tələbələr üzrə sənəd və müraciət checklist-lərinin aparılması;
• Qəbul, rədd, əlavə sənəd tələbi və digər universitet cavablarının sistemdə qeyd olunması;
• Qəbul prosesində yaranan problemlərin araşdırılması və həll yollarının müəyyənləşdirilməsi;
• Riskli, gecikmiş və ya əlavə müdaxilə tələb edən müraciətlər barədə rəhbərliyə vaxtında məlumat verilməsi;
• Tələbənin dil hazırlığına ehtiyacı olduqda Tədris Şöbəsi ilə koordinasiya edilməsi;
• Yeni universitetlər, ixtisaslar, Studienkolleg-lər, təqaüdlər və beynəlxalq təhsil imkanlarının mütəmadi araşdırılması;
• Universitetlərin qəbul siyasətində baş verən dəyişikliklərin izlənilməsi;
• Xaricdə təhsil sahəsində yeni imkanların şirkətin xidmət portfelinə əlavə edilməsi üçün təkliflərin hazırlanması;
• Xaricdə Təhsil Şöbəsinin həftəlik və aylıq nəticələri üzrə hesabatların hazırlanması;
• Rəhbərliyin verdiyi digər aidiyyəti tapşırıqların icra edilməsi.

Namizəddən gözləntilərimiz

• Ali təhsil – minimum bakalavr dərəcəsi;
• İngilis dili minimum B2, C1 səviyyəsi üstünlükdür;
• Rus dilində yaxşı ünsiyyət və yazışma bacarığı;
• Alman dili biliyi əlavə üstünlükdür;
• Xaricdə təhsil sahəsində iş təcrübəsi üstünlükdür;
• Güclü analitik düşüncə və araşdırma qabiliyyəti;
• İnternet resurslarından istifadə edərək məlumatı müstəqil şəkildə tapmaq, müqayisə etmək və düzgün nəticə çıxarmaq bacarığı;
• Universitetlərin rəsmi saytları və qəbul platformaları ilə işləmə bacarığı;
• Verilən tapşırığı daim nəzarət gözləmədən müstəqil şəkildə sona çatdırmaq bacarığı;
• Detallara yüksək diqqət – xüsusilə tarix, deadline, sənəd və qəbul şərtlərində səhvə yol verməmək;
• Eyni anda bir neçə tələbənin müraciət prosesini sistemli şəkildə idarə etmək bacarığı;
• Güclü planlama və vaxtın idarə edilməsi bacarığı;
• Tələbə və valideynlərlə səbirli, pozitiv və peşəkar ünsiyyət;
• MS Office proqramlarında sərbəst işləmək bacarığı;
• CRM və daxili sistemlərdə məlumatların düzgün aparılması;
• Öyrənməyə, araşdırmağa və özünü inkişaf etdirməyə həvəs.

Xüsusilə kimi axtarırıq?

• Hazır məlumatı sadəcə tələbəyə ötürən deyil, “Bu tələbə üçün ən doğru variant hansıdır?” sualının cavabını özü araşdırıb tapa bilən əməkdaş axtarırıq.
• Bir universitetin saytında cavabı dərhal tapa bilmədikdə araşdırmanı dayandırmayan, alternativ rəsmi mənbələri yoxlayan, lazım gəldikdə universitetlə yazışan, müxtəlif variantları müqayisə edən və nəticəyə gələn namizəd bizim üçün xüsusilə dəyərlidir.
• Deadline-ı gözləyən deyil, deadline-ı əvvəlcədən görən; problem yarandıqdan sonra həll axtaran deyil, problemi əvvəlcədən müəyyən edən əməkdaş axtarırıq.
• Əgər araşdırma aparmaqdan zövq alırsınızsa, detallara diqqətlisinizsə, məsuliyyəti üzərinizə götürürsünüzsə və müstəqil işləməyi bacarırsınızsa, sizi komandamızda görmək istərdik.

Bu vəzifədə nəyə görə qiymətləndiriləcəksiniz?

• Tələbə müraciətlərinin vaxtında və düzgün icra edilməsi;
• Deadline-ların düzgün izlənilməsi;
• Sənədlərdə səhvlərin minimuma endirilməsi;
• Tələbəyə uyğun universitet və proqramların düzgün müəyyənləşdirilməsi;
• Qəbul proseslərinin nəticəliliyi;
• Tələbə məmnuniyyəti;
• CRM və müraciət statuslarının düzgün aparılması;
• Eyni anda bir neçə müraciətin effektiv idarə edilməsi;
• Problemlərin müstəqil həlli;
• Yeni universitet və proqramların araşdırılması;
• İşin nəticəsinə görə məsuliyyət götürmək.

İş şərtləri

• Vəzifə: Xaricdə Təhsil üzrə Koordinator
• İş rejimi: Tam ştat
• İş yeri: Bakı, ARI Beynəlxalq Təhsil Mərkəzinin ofisi
• Əmək haqqı: 1000 AZN-dən başlayır – namizədin bilik və təcrübəsinə uyğun müəyyən edilir.
• Bonus: Nəticəyə əsaslanan bonus sistemi mövcuddur.

ARI-də işləməyin üstünlükləri

• ARI-də əməkdaş yalnız gündəlik iş funksiyalarını yerinə yetirmir, eyni zamanda beynəlxalq təhsil sahəsində peşəkar kimi inkişaf edir.
• Xarici universitetlər və beynəlxalq təhsil sistemləri ilə birbaşa işləmək imkanı;
• Almaniya, Avstriya və digər Avropa ölkələrinin təhsil sistemi üzrə praktiki təcrübə;
• Daxili təlimlər;
• Peşəkar inkişaf və karyera imkanları;
• Nəticəyə əsaslanan bonus sistemi;
• Dinamik və inkişaf yönümlü iş mühiti;
• ARI daxilində digər təhsil layihələrində iştirak imkanı.

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər. E-mail mövzusunda “Xaricdə Təhsil üzrə Koordinator” qeyd etməyiniz xahiş olunur.

Gələcəyin təhsil yolunu birlikdə qururuq.