Nazirlər Kabineti Xəzər dənizinin (gölünün) Azərbaycana mənsub olan bölməsində tikinti məqsədləri üçün süni torpaq sahələrinin yaradılması məqsədilə ayrılmış su fondu torpaq sahəsinə və süni torpaq sahəsinə görə ödənilən icarə haqqının məbləğini bir ay müddətində təsdiq edib Prezident İlham Əliyevə məlumat verməlidir.

Xəzərdə süni torpaq sahəsinin yaradılması ilə bağlı icarə haqqı ödəniləcək

FED.az xəbər verir ki, bu, dövlət başçısının “Xəzər dənizinin (gölünün) Azərbaycan Respublikasına mənsub olan bölməsində süni torpaq sahələrinin yaradılması haqqında" qanunun tətbiqi barədə imzaladığı fərmanda öz əksini tapıb.

Xatırladaq ki, bu gün Prezident həmin qanunu təsdiq edib.