Qobustan rayonu ərazisində üzərində 300-dən artıq yaşayış evi tikilmiş torpaq sahəsinin təyinatının dəyişdirilməsi ilə bağlı sənədlər hazırlanır.

Eləcə də bax: Azərbaycanda sənədsiz yaşayış evlərinin - SİYAHISI TUTULUR

FED.az xəbər verir ki, bu, Nazirlər Kabinetinin 2020-ci il üzrə hesabatında qeyd edilib.

Hesabatda bildirilir ki, bu evlərin tikildiyi 78 hektar kənd təsərrüfatı torpaq sahəsinin təyinatının dəyişdirilməsi ilə bağllı sənədlər hazılanır. Bununla bağlı yaxın vaxtlarda aidiyyəti üzrə müraciət ediləcək.

Bununla yanaşı, Abşeron rayonunun bələdiyyələrinin hüdudları daxilində tikintilərin aparıldığı 8125,0 hektar kənd təsərrüfatı təyinatlı torpaq sahəsinin kateqoriyasının dəyişdirilməsi üçün müvafiq qurumlara məktub ünvanlanıb. (Trend)