DİN-nin Maddi - Texniki Təminat Baş İdarəsi “2022-ci ildə polis orqanlarında xidmətdə olan avtomobilləri markasına, buraxılış ilinə görə ehtiyyat hissələri, müxtəlif ölçülü, markalı avtomobil şinləri və akkumulyator batareyalarının alınması» tenderinin nəticələrini açıqlayıb.
FED.az xəbər verir ki, tenderin qalibi «Türklər LTD» şirkəti olub. Şirkətlə 2 milyon 499 min 917 manat məbləğində müqavilə imzalanıb.
Qeyd edək ki, şirkətlə bundan əvvəl də həmin qurum 2 milyon 769 min 428 manat məbləğində eyniadlı tender üzrə müqavilə bağlayıb (01.09.2021).
