Azərbaycan Respublikasının Təhsil Nazirliyinin Təsərrüfat Hesablı Əsaslı Tikinti və Təchizat İdarəsi məktəbəqədər təhsil müəssisələrinin infrastrukturunun yaxşılaşdırılması istiqamətində daha iki iri tenderə yekun vurub.

Azərbaycan şirkəti çoxsaylı tenderlərdə - 50 MİLYONLUQ SİFARİŞLƏR ALIB – SİYAHI

FED.az xəbər verir ki, hər iki tenderin qalibi “Fərid” firması (VÖEN: 6200016771) olub.

İlk satınalma çərçivəsində “Fərid” firması respublikanın müxtəlif bölgələrində yerləşən məktəbəqədər təhsil müəssisələrində təmir, abadlıq və kommunal-kommunikasiya işlərini həyata keçirəcək. Bu layihənin ümumi dəyəri 9 milyon 667 min 88 manat 57 qəpik təşkil edir.

İkinci müqavilə isə oxşar mahiyyət daşıyır. Burada da söhbət məktəbəqədər təhsil müəssisələrində kommunal-kommunikasiya, abadlıq və təmir tədbirlərinin görülməsindən gedir. Bu layihənin dəyəri isə 9 milyon 807 min 238 manat 46 qəpikdir.

Beləliklə, ümumilikdə “Fərid” firması Təhsil Nazirliyi ilə iki müqavilə çərçivəsində təxminən 19,5 milyon manatlıq iş görəcək.