Əmək və Əhalinin Sosial Müdafiəsi Nazirliyinin Sosial Xidmətlər Agentliyi müəssisələrinin yeməklə təmin edilməsi ilə bağlı elan etdiyi açıq tenderin nəticələri açıqlayıb.
Tender agentliyin tabeliyində olan sosial xidmət müəssisələrinin 617 215 nəfər sakininin hazır yeməklə təmin olunmasını nəzərdə tuturdu.
Tender şərtlərinə görə, sözügedən sakinlər Nazirlər Kabinetinin "Təhsil müəssisələrində, xəstəxanalarda və sosial sahənin digər ictimai müəssisələrində vətəndaşların qida normalarının tətbiq edilməsi haqqında" 1994-cü il 9 mart tarixli 103 saylı qərarı ilə müəyyən olunmuş qida normaları əsasında gündə 3 dəfə olmaqla hazır yeməklə təmin olunmalıdırlar.
FED.az xəbər verir ki, 5 milyon 972 min manatlıq tenderin qalibi fiziki şəxs Ziyafət İsa oğlu Fərzəliyevdir.
