FED.az xəbər verir ki, Dövlət Turizm Agentliyinin “Şahdağ Turizm Mərkəzi” Qapalı Səhmdar Cəmiyyəti yanğınsöndürmə balonlarının doldurulması və təmiri xidmətlərinin, eləcə də yeni balonların və aksesuarların satınalınması məqsədilə kotirovka sorğusu elan edir

Kotirovka sorğusunda iddiaçı kimi iştirak etmək istəyənlər Bakı şəhəri, Ceyhun Hacıbəyli küçəsi 2-ci döngə, 2b nömrəli ünvana (əlaqələndirici şəxs: Dəniz Məcidliyə, 
telefon: (+99 412) 465 09 45 müraciət edə bilərlər.

Kotirovka sorğusunda iddiaçı kimi iştirak etmək istəyənlər imzalanmış və möhürlənmiş kotirovka təkliflərini 12 sentyabr 2018-ci il saat 17.00-dan gec olmamaq şərti ilə təqdim etməlidirlər. Göstərilən müddətdən gec təqdim olunan kotirovka təklifləri baxılmadan geri qaytarılacaqdır.

Kotirovka təklifləri Bakı şəhəri, Ceyhun Hacıbəyli küçəsi 2-ci döngə, 2b nömrəli ünvanda 13 sentyabr 2018-ci il saat 16.00-da açılacaqdır. İddiaçılar və onların səlahiyyətli nümayəndələri zərflərin açılış prosedurunda iştirak edə bilərlər.