Banner

Tenderlər

Qəbələdə yeni su anbarı tikiləcək - TENDER ELANI

Qəbələdə yeni su anbarı tikiləcək - TENDER ELANI | FED.az
12:48 5 Mart 2021

İqdisadiyyat Nazirliyi Qəbələ rayonunda su anbarı ilə bağlı texniki-iqtisadi əsaslandırmanın qiymətləndirilməsi üçün podratçı seçir.

FED.az xəbər verir ki, İqdisadiyyat Nazirliyi Yengicə su anbarı ilə bağlı hazırlanmış texniki-iqtisadi əsaslandırma və layihə sənədlərinin ekspert qiymətləndirilməsi məqsədilə podratçı seçir.

Seçim açıq tender üsulu ilə keçirilir.

Tenderdə iştirak haqqı 300 manatdır.

Tender təklifləri 9 aprel saat 17:00-dək qəbul olunur. Tender proseduru 12 aprel aat 11:00-da baş tutacaq.

Əlaqə telefonu: 93-88-67.  

Prezident İlham Əliyevin Sərəncamı ilə təsdiq olunan “Su ehtiyatlarından səmərəli istifadənin təmin edilməsinə dair 2020–2022-ci illər üçün Tədbirlər Planı”na uyğun olaraq ölkə ərazisində Əlicançay, Qudyalçay, Vəlvələçay, Qaraçay, Qusarçay, Ağsuçay, Türyançay, Yengicə, Viləşçay və Zəyəmçay su anbarlarının yaradılması nəzərdə tutulur.

Bu su anbarlarından birinin Qəbələ rayon ərazisində Vəndam çayının hövzəsində tikilməsi planlaşdırılır. Rayonun Yenikənd kəndinin şimal hissəsində inşası reallaşdırılacaq Yengicə su anbarının yeri dəqiqləşdirildikdən sonra müvafiq qurumlar tərəfindən əraziyə baxış keçirilib.

Meliorasiya və Su Təsərrüfatı ASC-nin Qəbələ Suvarma Sistemləri İdarəsinin nümayəndəsi Qurbanəli Daşdəmirovun sözlərinə görə, yeni yaradılacaq anbarın ümumi su tutumu 17,5 milyon kub, istifadə olunan həcmi isə 12,5 milyon kub nəzərdə tutulub. Su anbarı tikildikdən sonra Qəbələnin aran hissəsində 10 min hektar sahənin suvarılması tam təmin olunacaq. Bu isə həmin torpaqlarda məhsuldarlığı artırmaqla yanaşı, ildə 2-3 dəfə əkin aparmağa imkan verəcək.

Onun sözlərinə görə, Qəbələ rayonunda bütün çaylar başlanğıcını dağlardan götürdüyü üçün suyun miqdarı dağlara yağan qardan asılı olur. İsti keçən yay mövsümündə, təxminən bir ay müddətində Qəbələ rayonunun çaylarında su azlığı müşahidə olunur. Bu da suvarmanın istənilən səviyyədə aparılmasına imkan vermir. Ümumiyyətlə, Yengicə su anbarı tikildikdən sonra rayonda ilboyu torpaqların su ilə təminatında heç bir problem yaşanmayacaq.

Hazırda Qəbələ rayonunda Suvarma Sistemləri İdarəsinin suvarma şəbəkəsi 16 min hektara yaxın bir ərazini əhatə edir. Bu anbarın tikintisi ilə əlaqədar təxminən 4 min hektara yaxın əlavə sahə suvarılan şəbəkəyə daxil olacaq.(marja)

Banner
Banner

Digər xəbərlər