Naxçıvan Şəhər İcra Hakimiyyəti “Kommunal təyinatlı avtomobil və traktorların alınması” tenderinin nəticələrini elan edib.

FED.az xəbər verir ki, tenderin qalibi  “Çərkəzoğlu” MMC olub.

Şirkətlə 1 221 890 manat məbləğində müqavilə imzalanıb.

Bu müqaviləyə əsasən aşağıda göstərilən avtomobil və traktorlar satın alınacaq:

1 ədəd tullantı kürəyən traktor (tırtıllı buldozer)

1 ədəd sahibsiz itlərin daşınması üçün xüsusi təyinatlı maşın

2 ədəd tullantı daşıyan maşın (boyük həcmli)

1 ədəd tullantı daşıyan maşın (kiçik həcmli)

2 ədəd özü yükünü boşaldan avtomaşın

1 ədəd qar kürəyən maşın (qoşqu və duz səpən qurğulu)

1 ədəd kəpçə traktor

1 ədəd ekskovator

1 ədəd avtokran səbət

2 ədəd su maşını

Qeyd edək ki, “Çərkəzoğlu” MMC 2022-ci ildə yaradılıb, nizamnamə kapitalı 20 AZN təşkil edir. Şirkətin qanuni təmsilçisi Vasif Əliyev Çərkəz oğludur. Hüquqi ünvanı AZ6800, Şərur Rayonu, Çomaxtur Kəndi ünvanında yerləşir.