Müdafiə Nazirliyinin "Azərbaycan Ordusunun Hadrut və Kəlbəcər zonasında yerləşən hərbi hissələrinin şəxsi heyətinin camaşırlarının yuyulması xidmətinin satın alınması" tenderi ləğv olunub.
FED.az xəbər verir ki, buna səbəb tenderdə iştirak etmək üçün tender təklifi vermiş iddiaçıların sayı üçdən az olmasıdır.
Ləğv edilmə mətni - Tender müsabiqəsində malgöndərənin təqdim etdiyi ərizələrin sayı qanunvericiliklə müəyyən edilən saydan az olması səbəbindən.
Bu da Dövlət Satınalmaları haqqında qanunun 11.1-ci maddəsi ilə tənzimlənir. Həmin maddəyə görə tenderdə iştirak etmək üçün tender təklifi vermiş iddiaçıların sayı üçdən az olduqda satınalan təşkilat tenderin davamından imtina edir və bu barədə məlumatı tender elan olunduğu mətbuat orqanında 5 bank günü ərzində dərc etdirir və rəsmi internet saytında yerləşdirir.
