“Baklift-3” İxtisaslaşdırılmış İstehsalat İdarəsi lift ehtiyat hissələrinin satın alınması məqsədilə açıq tender elan edir. FED.az xəbər verir ki, Tender 1 lot üzrə keçirilir.
Lot - 1. Lift ehtiyat hissələrinin satın alınması.
Tender iştirakçılarına təklif olunur ki, “Dövlət satınalmaları haqqında” Azərbaycan Respublikasının Qanununa uyğun yuxarıda göstərilən tender predmeti üzrə təkliflərini möhürlənib imzalanmış ikiqat zərfdə yazılı şəkildə təqdim etsinlər.
Təkliflərin qiymətləndirilməsi zamanı aşağıdakı meyarlara üstünlük veriləcəkdir:
-aşağı qiymət, yüksək keyfiyyət, müqavilənin vaxtında yerinə yetirilməsi, analoji işlərdə təcrübəsi, iddiaçının maliyyə vəziyyəti və maddi-texniki bazası.
Müqavilədə bütün malların və onlarla bağlı xidmətlərin mənşəyi və harada istehsal olunmaları bildirilməlidir. Tenderlə əlaqədar məlumat almaq üçün aşağıdakı ünvana müraciət etmək lazımdır.
Ünvan-Bakı şəhəri, Xətai rayonu, M.Hadi küçəsi 97.
Əlaqələndirici şəxs- Əliyev Fərhad Əli oğlu
Telefon- ( 012 ) 3791174
İştirak haqqı 100 (bir yüz) manatdır.
İştirak haqqı heç bir halda geri qaytarılmır.
Tenderdə iştirak üçün aşağıdakı sənədlər “Baklift-3” İxtisaslaşdırılmış İstehsalat İdarəsinin tender komissiyasına təqdim edilməlidir:
- tenderdə iştirak üçün ərizə;
- tenderdə iştirak haqqının ödənilməsi barədə bank sənədi;
- tender təklifi (zərflərin açıldığı gündən sonra ən azı 30 bank günü qüvvədə olmalıdır);
- tender təklifi qiymətinin 1 faizi həcmində bank təminatı (zərflərin açıldığı gündən sonra ən azı 60 bank günü qüvvədə olmalıdır);
- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış;
- iddiaçının son 1 ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;
- iddiaçının son 1 il ərzində maliyyə vəziyyəti haqqında bank arayışı;
- iddiaçının tam adı, hüquqi statusu, nizamnaməsi, qeydiyyatdan keçdiyi ölkə və rekvizitləri;
- iddiaçının müvafiq mallar üzrə mənşə və uyğunluq sertifikatları.
Sənədlər Azərbaycan dilində 2 nüsxədə (əsli və surəti) tərtib olunmalıdır. İddiaçılar tenderdə iştirak üçün yuxarıda göstərilən sənədləri (tender təklifi və bank zəmanəti istisna olmaqla) 16 avqust 2019-cu il saat 17.00-a qədər, tender təklifi və bank zəmanətlərini isə möhürlənmiş ikiqat zərfdə 26 avqust 2019-cu il saat 17.00-a qədər Bakı şəhəri, Xətai rayonu, M.Hadi küçəsi 97 nömrəli ünvanda tender komissiyasına təqdim etməlidirlər.
Göstərilən vaxtdan gec təqdim olunan zərflər açılmadan geri qaytarılacaqdır.
Təklif zərfləri 27 avqust 2019-cu il saat 15.00-da yuxarıda göstərilən ünvanda açılacaqdır.
İddiaçıların səlahiyyətli nümayəndələri iştirak edə bilərlər.
Lift ehtiyat hissələrinin satın alınması məqsədilə - TENDER ELAN EDİLİR
09:52
24 İyul 2019
