FED.az xəbər verir ki, “İçərişəhər” Dövlət Tarix-Memarlıq Qoruğu İdarəsinin Mənzil-Kommunal və Təmir Xidməti 2018-ci ildə Qala Qoruğu ərazisinində yol örtüyünün təmiri işlərinin, İçərişəhər və Qala kəndində abadlaşdırma, yaşıllaşdırma və işıqlandırma işləri üçün mal-materialların satınalması məqsədilə açıq tender elan edir.
Tender iştirakçılarına təklif olunur ki, “Dövlət satınalmaları haqqında” Azərbaycan Respublikasının Qanununa uyğun tender təkliflərini möhürlənmiş, imzalanmış şəkildə ikiqat zərflərdə yazılı surətdə təqdim etsinlər. Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. Lot-1. 2018-ci ildə Qala Qoruğu ərazisində yol örtüyünün təmiri işlərinin satınalınması. Lot-2. İçərişəhər və Qala kəndində abadlaşdırma və yaşıllaşdırma işləri üçün malmaterialların satınalınması. Lot-3. İçərişəhər və Qala kəndində küçələrin işıqlandırılması işləri üçün elektrik mal-materialların satınalınması.
Tenderdə iştirak etmək istəyənlər hər lot üçün 150 manat məbləğdə iştirak haqqını göstərilən hesaba köçürdükdən sonra Azərbaycan dilində tərtib olunmuş əsas şərtlər toplusunu “İçərişəhər” Dövlət Tarix-Memarlıq Qoruğu İdarəsinin Mənzil-Kommunal və Təmir Xidmətinin Bakı şəhəri, İçərişəhər, 9-cu Maqomayev döngəsi, 6 nömrəli (əlaqələndirici şəxs: Mahir Əhmədovdan, telefon: (012) 492-24-27) ünvandan ala bilərlər. VÖEN: 1700774621 Hh: AZ03AIIB38040019443600287106 Bank: “Kapital Bank”ASC-nin İçərişəhər filialı Kod: 200060 VÖEN (bank): 9900003611 M/h: AZ37NABZ01350100000000001944 S.W.I.F.T. AİİBAZ2X İştirak haqqı heç bir halda geri qaytarılmır.
ddiaçılar tenderdə iştirak etmək üçün aşağıdakı sənədləri təqdim etməlidirlər:
- tenderdə iştirak etmək üçün yazılı müraciət;
- tenderdə iştirak haqqının ödənilməsi barədə bank sənədi;
- tender təklifi (zərflərin açıldığı tarixdən sonra ən azı 30 bank günü qüvvədə olmalıdır);
- tender təklifi dəyərinin 1 faizi həcmində bank təminatı (zərflərin açıldığı tarixdən sonra ən azı 60 bank günü qüvvədə olmalıdır);
- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış;
- iddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;
- iddiaçının son bir ildəki maliyyə vəziyyəti haqqında bank arayışı;
- iddiaçının tam adı, hüquqi statusu, nizamnaməsi ,qeydiyyatdan keçdiyi ölkə və rekvizitləri;
- digər sənədlər: analoji işlərin yerinə yetirilməsinə dair iddiaçının potensial imkanları haqqında məlumat və Dövlət Sosial Müdafiə Fonduna borcun olub- olmamasına dair arayış.
Sənədlər Azərbaycan dilində, tərtib olunmalıdır (xarici dildəki tender təklifləri Azərbaycan dilinə tərcümə olunmalıdır). Tender proseduru “Dövlət satınalmaları haqqında” Qanuna uyğun keçiriləcəkdir. İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla) 26 iyul 2018-ci il saat 17.00-a qədər, tender təklifi və bank təminatını isə möhürlənmiş ikiqat zərfdə 3 avqust 2018-ci il saat 17.00-a qədər “İçərişəhər” Dövlət TarixMemarlıq Qoruğu İdarəsinin Mənzil-Kommunal və Təmir Xidmətinin Bakı şəhəri, İçərişəhər, 9-cu Maqomayev döngəsi, 6 nömrəli ünvana təqdim etməlidirlər. Göstərilən vaxtdan gec təqdim olunan zərflər açılmadan geri qaytarılacaqdır. İddiaçıların təklifləri Lot-1 üzrə 7 avqust 2018-ci il saat 11.00-da, Lot-2 üzrə 8 avqust 2018-ci il saat 11.00-da, Lot-3 üzrə isə 9 avqust 2018-ci il saat 11.00-da Mənzil-Kommunal və Təmir Xidmətinin Bakı şəhəri, İçərişəhər, 9-cu Maqomayev döngəsi, 6 nömrəli ünvanda açılacaqdır.
“İçərişəhər” Dövlət Tarix-Memarlıq Qoruğu - TENDER ELANI
17:49
22 İyun 2018
