Əsaslı Tikinti və Təchizat açıq tender elan edir.

• Təhsil Nazirliyinin Təsərrüfat Hesablı Əsaslı Tikinti və Təchizat İdarəsi - TENDER ELAN EDİR

FED.az xəbər verir ki, elanda Mədəniyyət və yaradıcı sənayelərin sənaye kimi formalaşması və bazar iştirakçılarının fəaliyyətinin dəstəklənməsi istiqamətində “Biznes inkubasiya” proqramlarının təşkili xidmətlərinin satın alınması nəzərdə tutulur.

Müsabiqədə iştirak haqqı 450 manatdır.

Satınalan təşkilatın VÖEN-i: 1703544251

Satınalan təşkilatın ünvanı: AZ1000, Azərbaycan Respublikası, Bakı şəhəri, Üzeyir Hacıbəyli küçəsi, ev 84

Müsabiqənin başlama tarixi və vaxtı: 13.09.2023 16:00

Tələb olunan sənədlərin təqdim edilməsinin son tarixi və vaxtı: 05.10.2023 16:00

Təkliflərin son təqdim olunma tarixi və vaxtı: 13.10.2023 16:00

Zərflərin açılış tarixi və vaxtı: 16.10.2023 16:00

Ödəniş şərtləri - Müqavilə üzrə ödəmə malgöndərənin (podratçının) təqdim etdiyi sənədlər (qaimələr, hesab fakturalar, aktlar və digər sənədlər) əsasında, ən qısa müddət ərzində, lakin 15 bank günündən gec olmamaq şərti ilə aparılacaqdır.

Çatdırılma yeri - Bakı

Çatdırılma müddəti - iliin sonuna qədər

Tələb olunan sənədlər

Təşkilati və hüquqi sənədlər:

Fəaliyyəti haqqında vergi orqanları tərəfindən təsdiq olunmuş maliyyə hesabatının surəti (vergi bəyannaməsi)

Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin, habelə son bir il ərzində (fəaliyyətini dayandırdığı müddət nəzərə alınmadan) vergiödəyicisinin Azərbaycan Respublikasının Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması barədə arayış;

Malgöndərənin (podratçının) son bir ildəki (əgər daha az müddət fəaliyyət göstərirsə, bütün fəaliyyəti dövründəki) maliyyə vəziyyəti barədə bank tərəfindən verilmiş arayış

İddiaçının Nizamnaməsi

Qeydiyyatdan keçdiyi ölkə

İddiaçının mikro, kiçik və orta sahibkarlıq meyarlarına uyğun olması haqqında sənəd

Müflis elan olunmaması, əmlakı üzərinə həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyəti dayandırılmış şəxs olmaması barədə sənəd

İddiaçının Rekvizitləri

Satınalma prosedurlarının başlanmasından əvvəlki 5 il ərzində özlərinin, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə sənəd

Öz əmlakından sərbəst və məhdudiyyətsiz istifadə etmək imkanı, habelə ödəmə qabiliyyəti olması barədə sənəd

Tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd

Tenderdə iştirak etmək üçün ərizə

Tenderdə iştirak haqqının ödənilməsi barədə sənəd

İxtisas göstəriciləri:

Sahə üzrə ən azı 3 il təcrübəsi olan, daha əvvəl müxtəlif inkubasiya proqramları təşkil etmiş, portfoliosunda startaplar olan və onlarla daimi işləyən güclü və təcrübəli komanda. Komanda üzvləri inkubasiya proqramının bütün hissələrində: startapların seçim və müraciət prosesindən onların məzun olma və maliyyə qaldırma prosesinə qədər bütün proseslərdə birbaşa iştirak təcrübəsinə malik olmalıdırlar.

Yerli və xarici mentor şəbəkəsi: İnkubasiyanı təşkil edəcək şirkətin həm yerli həm də xarici mentor şəbəkəsi olmalıdır. Mentorlar birbaşa öz sahələri üzrə fəaliyyət göstərdikləri ölkələrdə kifayət qədər tanınmış mütəxəssis olmalı və onların daha əvvəllər startaplarla işləmə təcrübəsi olmalıdır. Nəzərdə tutulmuş hər bir mövzuya aid 2 mentor üçün mentorluq saatları 65 saat ərzində hər həftə 5 saat müəyyən edilir.

İnkubasiyanı təşkil edəcək şirkətin yerli və xarici mələk investorlar, vençur kapitalistlər və digər maliyyə mənbələri ilə əlaqələri olmalıdır. Bununla yanaşı əvvəlki təcrübələrində portfolio startaplarının inkubasiya proqramından məzun olduqdan sonra maliyyə cəlb etmələri ilə bağlı sənədlər sübut kimi təqdim olunmalıdır.

Müraciətçi şirkətin daha əvvəl proqramlaşdırma və onun tədrisi ilə məşğul olan mütəxəssislərlə işləmə təcrübəsi olmalı, Cultech və Gametech sahəsində daha əvvəl müxtəlif kurslar təşkil etməlidir.

Daha əvvəl hakaton təşkil etmiş, hakaton tədbirlərinin planlaşdırılması və logistika sahəsində təcrübəsi olan şəxslərdən ibarət təşkilatçı komanda olmalıdır. Komanda üzvləri hakatonun bütün hissələrində: hakaton üçün müraciət prosesindən hazırlanmış məhsulların təqdimatına qədər bütün proseslərdə birbaşa iştirak təcrübəsinə malik olmalıdırlar.

Hakatonu təşkil edəcək şirkətin mentorlar şəbəkəsi olmalıdır. Mentorlar birbaşa öz sahələri üzrə fəaliyyət göstərdikləri ölkələrdə kifayət qədər tanınmış mütəxəssis olmalı və onların daha əvvəllər hakatonda mentorluq təcrübəsi olmalıdır.

Müraciətçi şirkətin daha əvvəl müxtəlif startap təlimlərinin və seminarlarının təşkili sahəsində təşkilatçılıq təcrübəsi olmalı, Cultech və Gametech sahəsində daha əvvəl müxtəlif seminarlar təşkil etməlidir.

Musiqi sənayesi sahəsində minimum 3 il təcrübəsi olan, portfoliosunda mühim beynəlxalq musiqi müsabiqələrində təcrübəsi olan komanda. Komanda üzvləri Pre-İnkubasiya proqramının bütün hissələrində: musiqi yunitlərin seçimi və müraciət prosesindən onların məzun olma və maliyyə qaldırma prosesinə qədər bütün proseslərdə birbaşa iştirak təcrübəsinə malik olmalıdırlar.

Pre-İnkubasiya proqramını təşkil edəcək şirkətin həm yerli, həm də xarici mütəxəssislər şəbəkəsi olmalıdır. Mütəxəsisslər birbaşa öz sahələri üzrə fəaliyyət göstərdikləri ölkələrdə tanınmış və uğurlu olmalı, onların daha əvvəllər peşəkar musiqi sənayəsində işləmə təcrübəsi olmalıdır. Yuxarıda qeyd olunan hər istiqamət üzrə ən azı 2 xarici mütəxəssis (yüksək peşəkarlıq səviyyəsində) və 1 yerli mütəxəssis təşkil olunmuş master-klasslarda iştirak etməlidir.

Malgöndərənlərlə (podratçılarla) vasitəçi olmadan əlaqəni təmin edən, onlarla məlumat mübadiləsini aparan satınalan təşkilatın vəzifəli şəxsi (/ləri)  - Hamil İsmayılov, Satınalmaların təşkili və idarə olunması şöbəsi - baş mütəxəssis

Email: [email protected]

Əlaqə telefonu: (012)5650147 (392)