İpoteka və Kredit Zəmanət Fondu elan etdiyi tenderin nəticələrini açıqlayıb.
Saray qəsəbəsində sosial evlər tikiləcək - 26 MİLYON MANATLIQ TENDER
FED.az xəbər verir ki, tender satmaq öhdəliyi ilə kirayəyə vermə mexanizmi üzrə yaşayış sahələrinin alınması məqsədilə həyata keçirilib. Tenderin qalibi “Mirvari City” MMC (VÖEN: 3101750431) olub.
Şirkətə 213 500 000 AZN ödəniş ediləcək.
Vətəndaşların tələbatı nəzərə alınaraq yaşayış sahələrinin satın alınması Sumqayıt şəhər inzibati ərazisi və ona birbaşa həmsərhəd olan Abşeron rayonunun tərkibində yerləşən yaşayış massivləri üzrə həyata keçiriləcəkdir. Qeyd edək ki, təchizatçıların təqdim edəcəyi yaşayış sahələrinin ümumi sahəsi 50000 kv.m-dən az olmamalıdır.
Qeyd edək ki, “Mirvari City” MMC 2015-ci ildə yaradılıb, nizamnamə kapitalı 10 AZN təşkil edir. Şirkətin qanuni təmsilçisi Əhliman Hüseynov Sayad oğludur. Hüquqi ünvanı Sumqayıt şəhəri, Bulvar küçəsi 27, 1-ci məhəllə, Blok 8 ünvanında yerləşir.
