“MİDA” MMC «Füzuli şəhərində 8,90 ha torpaq sahəsində 19, 20, 21, 22, 23 və 24 nömrəli çoxmənzilli yaşayış binalarının tikintisi» tenderinin nəticələrini açıqlayıb.

FED.az xəbər verir ki, tenderin qalibi "El-Seym İnşaat QSC, SNT İnşaat Şirkəti konsorsium” olub. Şirkətlə 14 milyon 209 min 151 manat məbləğində müqavilə imzalanıb.

Qeyd edək ki, El-Seym İnşaat QSC bundan əvvəl də qurumun 14 milyon 436 min 428 manat dəyərindəki “Füzuli şəhərində 8,90 ha torpaq sahəsində 1, 2, 3, 4, 5 və 6 nömrəli çoxmənzilli yaşayış binalarının tikintisi” (08.08.2022) tenderini qazanıb.