"Dənizkənarı Milli Park" MMC “Panorama” attraksionunun ehtiyat hissələrinin alınması və təmir xidməti üçün elan etdiyi tenderin qalibini açıqlayıb.
Eləcə də bax: Pul tapılmadı - dövlət qurumunun tenderi - LƏĞV EDİLDİ
FED.az xəbər verir ki, tenderin qalibi "Kibrit.Tech" MMC olub.
"Dənizkənarı Milli Park" “Panorama” attraksionuna ehtiyat hissələrinin alınması, texniki xidmət, proqram təminatının texniki dəstəyi, yaranan xətaların səbəbi, aradan qaldırılması, müəyyənləşdirilməsi, analiz və həll edilməsi işləri üçün şirkətə 142 min 513 manat ödəyəcək.
Qeyd edək ki, "Dənizkənarı Milli Park"ın ötən ilin avqust ayında “Panorama” attraksionun təmiri və digər xidmətlər üçün keçirdiyi tenderin də “Kibrit.Tech” MMC qazanmışdı.
Ötən ilki ““Panorama” attraksionuna texniki xidmət, proqram təminatının texniki dəstəyi, yaranan xətaların səbəbi və aradan qaldırılması, müəyyənləşdirilməsi, analiz və həll edilməsi” tenderi üçün Dənizkənarı Milli Park “Kibrit.Tech” MMC-yə 30 min 444 manat ödəmişdi.
