Azərbaycanda satınalma prosedurlarında iştirak edən malgöndərənlərin (podratçıların) vergi öhdəlikləri ilə bağlı tələblər daha da sərtləşdirilir.
FED.az-ın məlumatına görə, bu, “ Dövlət satınalmaları haqqında” qanuna təklif edilən dəyişiklikdə əksini tapıb. 
Eləcə də: Doğrudanmı tenderlər düzələcək?!  - Tender elanı, iştirak haqqı və ehtimal qiymət

Qüvvədə olan qanuna əsasən, satınalmada iştirak edənlərin vergilərə və digər icbari ödənişlərə dair vaxtı keçmiş  öhdəlikləri olmamalıdır.  Təklif edilən dəyişikliyə əsasən, həm də son 1 il ərzində vergi ödəyicisinin Vergi Məcəlləsi ilə müəyyən edilmiş vəzifələrinin yerinə yetirilməməsi hallarının mövcud olmaması tələb ediləcək. 
Eləcə də bax: Bərdə rayonunun «sevimli» şirkəti – TENDERLƏRİ O UDUR

Təklif olunan dəyişiklikdə məqsəd satınalma prosedurlarında iştirak etmək istəyənlərin vergiləri vaxtında və tam ödəməsinə məsuliyyətini artırmaqdır.
Layihə Milli Məclisin növbədənkənar sessiyasının iyulun 9-da keçiriləcək iclasında müzakirəyə çıxarılacaq.