2021-ci ildə dövlət qurumları tərəfindən mühafizə xidmətinin satın alınması üzrə ümumi məbləği 6 milyon 576 min 597 manat məbləğində 64 tender keçirilib.
FED.az-ın məlumatına görə, 2021-ci ildə bu xidmət sahəsi üzrə tenderləri “Gesco” ASC, “Vətən Mühafizə Xidməti” MMC, “Alov Mühafizə Xidməti” MMC, “TİİM” MMC, “Caspian Event Organisers” MMC, “Qartal SS” MMC, “Vətən – N” Mühafizə Xidməti, “Gəncə Regional Mühafizə Xidməti”, “Vostok Servis Bakı” QSC, “İnam Mühafizə Xidməti” MMC qazanıb.
Mühafizə xidmətləri üzrə ən böyük tenderlərin qalibi “Gesco” ASC olub. Belə ki, il ərzində şirkət 20 tenderlə 4 milyon 182 min 106 manat qazanıb.
“Gesco”dan sonra ən çox tenderləri udan şirkət «TİİM» MMC-dir. 1 ildə 19 tender üzrə 1 milyon 75 min 596 manat qazanıb.
Müşahidələr göstərir ki, «Gesco» ASC daha çox təhsil sektorundakı mühafizə tenderlərini qazanır. «TİİM» MMC isə əsasən səhiyyə sahəsində elan edilən tenderlərdə qalib gəlir.
FED.az 2021-ci ildə mühafizə xidmətinin satın alınması üzrə keçirilən tenderləri təqdim edir:
