İcbari Tibbi Sığorta üzrə Dövlət Agentliyi yeni müasir tibbi avadanlıq kompleksləri ilə təchiz olunmuş 100 ədəd təcili tibbi yardım avtomobillərinin satın alınması məqsədilə elan edilən tenderin vaxtını uzadıb.
Eləcə də bax: İcbari Tibbi Sığorta üzrə Dövlət Agentliyi 1, 2 milyon manatlıq - DƏRMAN ALIR
FED.az xəbər verir ki, avqustun 27-də elan edilmiş müsabiqəsinin müddəti "Dövlət satınalmaları haqqında" Azərbaycan Respublikası Qanununun 30.2-ci maddəsinə əsasən malgöndərənlərin sorğusu əsasında uzadılır.
Dəyişikliyə əsasən ilkin sənədlərin qəbulu 7 oktyabr 2022-ci il saat 16:00-dək, tender təklifləri və təkliflərin təminatı sənədlərinin qəbulu isə 17 oktyabr 2022-ci il saat 18:00-dək uzadılır. Tender üzrə təklif zərflərinin açılışı 18 oktyabr 2022-ci il saat 16:00-da agentliyin Bakı şəhəri, Nəsimi rayonu, Lev Tolstoy küçəsi 170 ünvanında yerləşən baş ofisində keçiriləcəkdir.
