“Aqrolizinq” ASC 150 ədəd doğrayıcılarla taxıl yığan kombayn satın alınmasına dair tender elan edib.
Elana əsasən, satın alınmalar 6 lot üzrə aparılacaq: 175 at gücündə 32 ədəd taxıl yığan kombayn (lot-1), 185 at gücündə 20 ədəd kombayn (lot-2), 152 at gücündə 40 ədəd kombayn (lot-3), 180 at gücündə 20 ədəd kombayn (lot-4), 160 at gücündə 30 ədəd kombayn (lot-5) və 155 at gücündı 8 ədəd ytaxıl yığan kombayn (lot-6).
Lot-1, 3 və 5 üzrə tenderdə iştirak haqqı 2 min manat, lot-2 və 4 üzrə - 1 min manat, lot-6 üzrə - 500 manatdır.
Tədarükçü şirkətlərdən tender üzrə təkliflərin qəbulu 18 yanvar 2019-cu il başa çatır. Tender proseduru yanvarın 21-də baş tutacaq.
“Aqrolizinq” ASC Kənd Təsərrüfatı Nazirliyinin strukturuna daxildir.
