“Bakı Şəhər Əsaslı Tikinti Və Təmir" MMC “Bakı Şəhər İcra Hakimiyyəti Başçısının tabeliyində Mərkəzi Nabatat Bağı"nın abadlaşdırılması işlərinin satınalınmasının 2-ci elanı” tenderinin nəticələrini açıqlayıb.

FED.az xəbər verir ki, tenderin qalibi "Xezer Construction" MMC olub. Şirkətlə 57 milyon 999 min 905 AZN dəyərində müqavilə imzalanıb.

Qeyd edək ki, "Xezer Construction" MMC şirkəti bundan əvvəl də qurumun

2 milyon 510 min 704 manat dəyərindəki “Bakı şəhəri ərazisində məhəllədaxili yollarda və səkilərdə asfalt örtüyünün təmirinin satınalınması” (06.06.2022),

13 milyon 705 min 995 manat dəyərindəki Bakı şəhərinin “Xətai rayonu ərazisində yerləşən Nizami adına mədəniyyət və istirahət parkında abadlıq işlərinin görülməsinin satınalınması” (23.11.2021)

2 milyon 539 min 163 manat dəyərindəki “Məhəllə daxili yollarda və səkilərdə asfalt örtüyünün təmiri” (04.08.2021) tenderlərinin də qalibi olub.