"Azərenerji" ASC 4 tenderin nəticələrini açıqlayıb.
4.5 milyon manatlıq tenderin - QALİBLƏRİ AÇIQLANDI - ŞİRKƏTLƏR
FED.az xəbər verir ki, müxtəlif növ elektrik mallarının alınması üzrə 2,277 milyon manatlıq tenderin qalibi "Electro Service" QSC-dir. Eyni zamanda xromotoqraf və yağların alışma temperaturunu ölçmə cihazının alınması üzrə 315 min manatlıq tenderin də qalibi "Electro Service" QSC-dir.
Xatırladaq ki, "Electro Service" QSC bundan əvvəl "Bakı Metropoliteni" QSC-nin Bakı Metropiliteninin III yeni (Bənövşəyi) xəttinə aid "Xocasən" elektrik deposunun və İstismar sahələri üçün elektrik mallarının satınalınması üzrə 282 537 manatlıq tenderin qalibi olub (17/12/2020).
Müxtəlif növ kimyəvi maddələrin alınması üzrə 749 min manatlıq tenderin qalibi "Aqualink" MMC olub.
Xatırladaq ki, "Aqualink" MMC bundan əvvəl "Azərenerji" ASC-nin müxtəlif növ kimyəvi maddələrin alınması üzrə 1 272 188 manatlıq tenderini qazanıb (08/04/2022).
İnformasiya texnologiya avadanlıqlarına xidmətinin alınması üzrə 163 min manatlıq tenderin qalibi "Mix Pro" MMC-dir.
Xatırladaq ki, "Mix Pro" MMC bundan əvvəl "Azərişıq" ASC-nin Müxtəlif sərfiyyat və xüsusi mətbəə mallarının satın alınması üzrə 594 612 manatlıq tenderini qazanıb (27/04/2021).
Qeyd edək ki, tenderlərin ümumi dəyəri 3,504 milyon manatdır.
