"Səba" markası ilə toyuq əti istehsalı dayandırılmayıb.
"Səba" ASC 3 şirkətdə paylarını və torpaq sahələrini satır - TOPLANTI
FED.az xəbər verir ki, bu barədə Azərbaycan Quş Əti, Yumurta İstehsalçıları və İxracatçıları Assosiasiyasından bildirilib.
"Bu gün bir sıra kütləvi informasiya vasitələri və İnternet resurslarında “Səba Broyler” ASC-nin fəaliyyətini dayandırması, “Səba” markası ilə toyuq və toyuq məhsulları istehsalına son qoyulmasına dair məlumat yayılıb. Azərbaycan quşçuluq təsərrüfatlarının ictimai birliyi olaraq bildiririk ki, reallıqda “Səba” markası ilə toyuq əti və məhsullarının istehsalı dayandırılmayıb. Bu istehsalı “Səba Broyler” ASC-nin yaratdığı "Chiken Pro" MMC həyata keçirir", - Assosiasiya açıqlamasında qeyd edib.
MMC rəhbərliyindən verilən məlumata görə, istehsal müəssisəsinin yenidən qurulması, müasir texnologiyaların tətbiqinin genişləndirilməsi üçün zəruri investisiya qoyuluşu həyata keçiriləcək.
***
"Səba" Açıq Səhmdar Cəmiyyəti istehsalı və satışı dayandırıb.
"Səba"nın vəziyyəti kəskin dəyişib - ŞİRKƏT MƏNFƏƏTDƏN ZƏRƏRƏ KEÇİB
FED.az xəbər verir ki, bununla bağlı müvafiq qərar qəbul olunub.
Şirkətdən istehsalın və satışın dayandırılması faktı təsdiqlənib.
Qeyd edilib ki, istehsal və satış avqustun 1-dən etibarən dayandırılıb və şirkətin özünə məxsus satış məntəqələri bağlanıb. Qərarın səbəbi açıqlanmayıb və hazırda şirkətin işçilərinin taleyi ilə bağlı məsələnin də sual altında olduğu vurğulanıb.
"Bəzi əməkdaşlar artıq şirkətdən ayrılıb, digərləri isə özlərinə yeni iş axtarışındadırlar", - məlumatda qeyd edilib.
Qeyd edək ki, ölkə üzrə marketlərdə bir müddətdir "Səba"nın məhsullarına rast gəlinmir.
Xatırladaq ki, ASC-nin digər broyler şirkətlərindən biri tərəfindən alındığı iddia olunur. 1997-ci ildə dövlət qeydiyyatına alınan "Səba" ASC-nin nizamnamə kapitalı 4,8 milyon manata yaxındır. (İqtisadiyyat.az)
