Avropa ölkələrində Coca-Cola, Sprite, Fanta və digər qazlı içkilər təhlükəsizlik narahatlıqları səbəbindən geri çağırılır. Bunun səbəbi isə bu içkilərdə xlor dezinfeksiya vasitələrindən yaranan kimyəvi yan məhsulun yüksək səviyyədə aşkarlanmasıdır.
Rusiyada "Coca Cola" və "Pepsi" dizaynlarına oxşar qazlı içkilərin istehsalına başlanılıb - FOTO
FED.az xəbər verir ki, Belçikada yerləşən bir fabrikdə istehsal olunmuş bəzi qazlı içkilərin tərkibində "həddindən artıq yüksək miqdarda xlorat" aşkar edilib. Bu məhsullara Coca-Cola, Sprite, Fanta, Fuze Tea, Minute Maid, Nalu, Royal Bliss və Tropico daxildir. Lakin bu markaların hamısı Birləşmiş Krallıqda geniş satışda deyil.
Coca-Cola Europacific Partners Belçika agentliyinə bildirib ki, bu içkilər noyabr ayından etibarən Belçika, Niderland, Birləşmiş Krallıq, Almaniya, Fransa və Lüksemburq kimi ölkələrə paylanılıb. Xlorat, adətən suyun təmizlənməsi və qida emalında istifadə olunan xlor dezinfeksiya vasitələrinin yan məhsulu olaraq yaranır. Bu maddə yod çatışmazlığına səbəb ola bilər. Coca-Cola şirkətindən verilən məlumata görə, "təsirlənmiş və hələ satılmamış məhsulların əksəriyyəti artıq mağaza rəflərindən çıxarılıb və qalan məhsulların bazardan yığışdırılması üçün tədbirlər görülür."
