ABŞ Qida və Dərman Administrasiyası (F.D.A.) bəzi Lay’s Classic kartof çipslərini geri çağırıb və bunu ən ciddi xəbərdarlıq səviyyəsinə qaldırıb.
Starbucks-da qlobal satışlar azaldı – Qəhvəsevərlər azalıb?
FED.az xəbər verir ki, ABŞ-da 6,344 paket Lay’s Classic kartof çipsi geri çağırılıb. Səbəb çipslərin tərkibində bildirilməmiş süd olmasıdır. Süd allergiyası və ya həssaslığı olan insanlar üçün bu, ciddi sağlamlıq problemlərinə, hətta ölümlə nəticələnə bilən reaksiyalara səbəb ola bilər.
Geri çağırma əsasən Oreqon və Vaşinqton ştatlarında satılmış 13 unsiyalıq paketlərə aiddir. ABŞ Qida və Dərman Administrasiyası (F.D.A.) bu geri çağırmanı ən yüksək təhlükə səviyyəsinə - Class I kateqoriyasına aid edib. Bu o deməkdir ki, çipslərin istehlakı ciddi sağlamlıq problemləri və hətta ölüm riski yarada bilər.
Geri çağırılan çips paketlərinin üzərində "zəmanətli təzə" tarixi 11 fevral 2025 kimi qeyd edilib və istehsal kodları 6462307xx və ya 6463307xx ilə başlayır. Lay’s-in digər məhsulları bu geri çağırmaya daxil deyil.
