Gündəlik alış-verişiniz artıq qapınıza çatdırılacaq. Çünki əsas ərzaq mağazalar şəbəkəsi olan Bravo Supermarket, innovativ çatdırılma xidməti olan Wolt ilə əməkdaşlığa başlayıb.

FED.az xəbər verir ki, bu əməkdaşlıq Bakıda yaşayan sakinlər üçün alış-veriş təcrübəsini artırmaq məqsədi daşıyır və sürətli, etibarlı ərzaq çatdırılma xidmətləri təmin edir.

WOLT-la əməkdaşlıq çərçivəsində Bravo Supermarketlər şəbəkəsi 8400-dən çox məhsul ilə Bakı ərazisində  xidmətlərini genişləndirir. Ayda cəmi 5,49 AZN təşkil edən və 6 km məsafəyə qədər ödənişsiz çatdırılma təklif edən Wolt+ abunəliyinə bütün Bravo Supermarketləri də daxil olacaq.

İş saatları həftənin yeddi günü 08:00-dan 22:45-dəkdir.

Bravo Supermarket şəbəkəsi və Wolt müştərilərə qısa zamanda, komfortlu alış-veriş təcrübəsi, tez və effektiv çatdırılmanı təmin edir. Bu əməkdaşlıq Bravo Supermarket-in innovasiyaya və müştəri məmnuniyyətinə sadiqliyini vurğulayır.