Son illərdə marketlərdə bonus kartlarının istifadəsi sürətlə artmaqdadır. Alıcılar, bu kartlar vasitəsilə alış-veriş etdikdə müxtəlif endirimlər, hədiyyələr və xüsusi təkliflər əldə edə bilirlər. Marketlər isə bu yolla müştəri loyallığını artırır və satışlarını yüksəldir. Bonus kartlarının təqdim etdiyi üstünlüklər həm alıcılar, həm də marketlər üçün qarşılıqlı fayda təmin edir.

Market şəbəkələrində ərzaq və gündəlik tələbat mallarının - MÜQAYİSƏLİ QİYMƏTLƏRİ – SİYAHI, MƏBLƏĞLƏR (Oktyabr,2024)

FED.az SUPERMARKET Azərbaycandakı əsas market şəbəkələrinin bonus kartları üzrə şərtləri və təqdim etdiyi üstünlükləri araşdırıb. Daha detallı :

“Bravo” – Umico bonus kartları keçərlidir. Bu şəbəkədə hər 10 manata 10 qəpik bonus hesablanır. Faizlə desək, alış–verişə 1% kəşbek hesablanır. Kartdan istifadə edilməsə belə toplanmış bonuslar silinmir. Bonus qazanmaq üçün hər hansı alış-veriş limiti müəyyən edilməyib, istənilən məbləğdə edilən alış-veriş bonus qazandırır. Kartı fiziki olaraq üzərinizdə daşımağa ehtiyac yoxdur, Umico mobil tətbiqini yükləmək kifayətdir, mobil telefonda cəmi 79 MB yer tutur.

“BazarStore” – “SuperKart” bonus kartı “Bazarstore” mağazalar şəbəkəsinin və vebsayt müştəri kartıdır. Bu şəbəkədə bonus kartının spesifikası bonus qazanmaq üçün alış – verişin minimum 20 manat və ya daha artıq olmasıdır. Hər 20 manatlıq alış-verişə 20 qəpik bonus hesablanır. Əgər alıcı 20 manatdan aşağı alış edibsə, bonus kartının balansına kəşbek qayıtmayacaq. Kartdan istifadə edilmədiyi təqdirdə bonuslar silinmir. Bundan əlavə “BazarStore” filiallarndakı rəflərdəki bəzi endirimli qiymətlərdən də yalnız “Super Kartı” olanlar istifadə edə bilərlər. Həmin kartı olmayanlar isə məhsulu endirimsiz qiymətə əldə edirlər, buna görə də rəflərdə endirimli qiymət görəndə diqqətli olmaq və kassada çeki yoxlamaq lazımdır.

“OBA” – Şəbəkənin ən vacib detalı bonus kartlarının ənənəvi formada deyil, onlayn mobil tətbiq vasitəsilə istifadə olunmasıdır. Belə ki, telefonumuzun “Play Store” bölməsindən şəbəkənin adını yazmaqla, bonus kartını yükləyə bilərsiniz. Bununla hər 10 manatlıq alış – verişdə 10 qəpik, yəni 1 % gəlir əldə edəcəksiniz. Marektin bonus kartından istifadə edilmədiyi müddət ərzində də toplanan bonuslar silinmir. Kartla istənilən məbləğdə edilən alış-veriş bonus qazandırır.

Kartı fiziki olaraq üzərinizdə daşımağınıza ehtiyac yoxdur OBA Market mobil tətbiqindən istifadə edərək bonuslar qazana bilərsiniz və mobil telefonunuzda cəmi 28 MB yer tutacaq.

“Rahat” – Rahat Kartdan sitifadə edilir. Bu şəbəkə də bonus kartları “OBA” marketdə olduğu kimi onlayn qaydada təqdim edir və kartla istənilən məbləğdə edilən alış-veriş bonus qazandırır. Sözügedən kart vasitəsilə 1 manatlıq alış-verişə 1 qəpik bonus hesablanır, əgər kart sahibi «Rahat Market»in Port Baku filialında ticarət etsə, bonuslar 2 qat hesablanacaq. Marketdə olan endirimlərdən həm kartı olanlar, həm də olmayanlar istifadə edə bilər. Əgər kart vastəsi ilə 6 ay ərzində bazarlıq edilməzsə kart deaktiv olunur. Mağazaya yaxınlaşıb aktivləşdirmək olar, amma bonuslar silinmiş olur.

Bonusları izləmək üçün Rahat Kart mobil tətbiqindən istifadə etmək olar, eyni zamanda tətbiq kartı fiziki olaraq daşınmasının məcburliyini də aradan qaldırır. Tətbiqin ölçüsü cəmi 11 MB təşkil edir.

“Neptun Supermarket”– Şəbəkə iki növ karta malikdir Standard Bonus Kartı və Klassik Bonus Kartı. Bonsuların hesablanmasına gəldikdə burada hər 10 manata 10 qəpik bonus hesablanır.

Müştəri ilk olaraq standard bonus kartı sahibi olur. 40 gün ərzində Neptundan 300 manat və üzəri alış-veriş edən kartlı müştəriyə isə yeni Klassik kart təqdim edilir. Klassik kartın bəzi üstünlükləri var belə ki, kart sahiblərinə 2 qat bonus qazandırır. Digər bir üstünlük isə klassik bonus kartı sahibləri üçün online sifarişlərin çatdırılması pulsuzdur. İstənilən məbləğdə edilən alış-verişlər bonus qazandırır.

Bonus kartlar vasitəsilə 60 gün ərzində heç bir alış-veriş edilməsə, bonuslar sıfırlanacaq. Bununla yanaşı, “Neptun Supermarket”in qaydalarına görə, hər həftənin bazar ertəsi hər iki kart növü vasitəsilə 50 manatlıq alış-verişdə 50 bonus qaznacaqsınız.

“Bolmart” – Bu marketlərdə “Ozio Plus” bonus kartı istifadə olunur. Tarifə görə 10 manatlıq alış-verişə 15 qəpik hesablanır. Kartın istifadə müddəti yoxdur, yəni kart 1 il belə istifadə olunmasa belə deaktiv olunmur və bonuslar silinmir. İstənilən məbləğdə alış-veriş bonus qazandırır. Eyni zamanda bonus kartla istənilən məhsulun alışından bonus qazanmaq mümkündür.

Ozio Online market, Bonus kart proqramı vasitəsilə bonusları izləmk olar və kartı fiziki olaraq daşımaq məcburiyyətiniz olmayacaq. Adı çəkilən tətbiq telefonunuzda 46 MB yer tutacaq.

“Ballı” – Bu şəbəkədə alış-verişdən 1.5% bonus hesablanır.Yəni  hər 10 manatlıq alış-verişdən 15 qəpik bonus qazanırsınız . İstənilən məbləğdə alış-veriş bonus qazandırır. Kartın istifadə müddəti yoxdur . Yəni kartdan istifadə olunmasa belə deaktiv olmur və bonuslar silinmir.

“Grandmart” – Bu market şəbəkəsi də “Ozio Plus” bonus kartından istifadə olunur. Tarifə görə 10 manatlıq alış-verişə 15 qəpik hesablanır. Kartın istifadə müddəti yoxdur, yəni kart 1 il belə istifadə olunmasa belə deaktiv olunmur və bonuslar silinmir. İstənilən məbləğdə alış-veriş bonus qazandırır. Eyni zamanda bonus kartla istənilən məhsulun alışından bonus qazanmaq mümkündür.

Ozio Online market, Bonus kart proqramı vasitəsilə bonusları izləmk olar və kartı fiziki olaraq daşımaq məcburiyyətiniz olmayacaq. Adı çəkilən tətbiq telefonunuzda 46 MB yer tutacaq.

“Megastore” -  “Ozio Plus” bonus kartını istifadə edən marketlər arasındadır. Tarifə görə 10 manatlıq alış-verişə 15 qəpik hesablanır. Kartın istifadə müddəti yoxdur, yəni kart 1 il belə istifadə olunmasa belə deaktiv olunmur və bonuslar silinmir. İstənilən məbləğdə alış-veriş bonus qazandırır. Eyni zamanda bonus kartla istənilən məhsulun alışından bonus qazanmaq mümkündür.

Ozio Online market, Bonus kart proqramı vasitəsilə bonusları izləmk olar və kartı fiziki olaraq daşımaq məcburiyyətiniz olmayacaq. Adı çəkilən tətbiq telefonunuzda 46 MB yer tutacaq.

“Tamstore” – Yeni fəaliyyətə başlayan Tamstore şəbəklərində də “Umico” bonus kartı vasitəsilə bonuslar qazanmaq mümkündür. Bu şəbəkədə hər 10 manata 10 qəpik bonus hesablanır. Tariflə dedikdə, bu, alış – veriş üçün 1% kəşbek qazandırmaqdır. Kartdan istifadə edilməsə belə toplanmış bonuslar silinmir. Marketdə istənilən məbləğdə edilən alış-veriş müştərilərə bonus qazandırır.

Kartı fiziki olaraq üzərinizdə daşımağınıza ehtiyac yoxdur Umico mobil tətbiqindən istifadə etmək mümkündür və mobil telefonunuzda cəmi 79 MB yer tutacaq.

“Araz Supermarket” –  “Araz” müştəri kartından istifadə olunur. Bu kart vasitəsilə hər 10 AZN dəyərində alış-verişə görə 2% keşbek qazanılır. 3 ay ərzində istifadə olunmayan kart deaktiv olunur və qazandığınız keşbeklər silinir. Qeyd edək ki, 10 manatdan aşağı olan alış-verişlər bonus qazandırmır. Araz Supermarket rəflərindəki bəzi endirimli qiymətlərdən yalnız “Araz” müştəri kartı olanlar istifadə edə bilərlər. Həmin kartı olmayanlar isə məhsulu endirimsiz qiymətə əldə edirlər, buna görə də rəflərdə endirimli qiymət görəndə diqqətli olmaq və kassada çeki yoxlamaq lazımdır.

“Araz Mobil” tətbiqini yükləyərək kartı üzərinizdə daşımaq yükündən azad ola bilərsiniz, mobil tətbiq 25 MB həcmində yer tutur.