2019-cu il ərzində bir çox rayonlarda “ASAN xidmət” mərkəzləri istifadəyə veriləcək.
FED.az xəbər verir ki, bu barədə Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ictimaiyyətlə əlaqələr şöbəsindən məlumat verilib.
Bu ilin sonuna kimi Tovuz, Ağcabədi, Kürdəmir, Şamaxı və Balakəndə yeni “ASAN xidmət” mərkəzi fəaliyyətə başlayacaq. Adı çəkilən bütün yeni mərkəzlərdə hazırda tikinti işləri gedir.
Eləcə də bax: Bəzi xidmətlər yalnız «ASAN Xidmət»də göstəriləcək – SİYAHI
Qeyd edək ki, hazırda 15 “ASAN xidmət” mərkəzi fəaliyyət göstərir. Onlardan 5-i paytaxtda olmaqla, digərləri Sumqayıt, Gəncə, Sabirabad, Bərdə, Qəbələ, Masallı, Quba, Mingəçevir, İmişli və Şəkidədir.
