Prezident Administrasiyasının məsul işçiləri Qusar rayonunda sakinlərin problemlərini dinləyib.
FED.az xəbər verir ki, görüşdə 33 nəfər iştirak edib.
İctimai-siyasi, ərazi idarəetmə və hüquq sahəsi üzrə məsul şəxslər vətəndaşların problemlərini dinləyib və qeyd olunan məsələlərin həlli üçün aidiyyətli qurumlara tapşırıqlar veriblər.
Görüşə gələn sakinlər, əsasən, kəndlərdə və Qusar şəhərində yol və su təminatı, iş yerinin dəyişdirilməsi, Qarabağ əlillərinin mənzillə təmin olunması və müalicəsi, kommunal və digər problemlərlə bağlı müraciət ediblər. Görüşü vətəndaşlar razılıqla qarşılayıb və bu cür qəbulların təşkilinə, problemlərinin həllinə göstərilən diqqətə görə Prezident İlham Əliyevə təşəkkür ediblər.
