“2018-ci illə müqayisədə 2021-ci ildə sosial müdafiə xərcləri 60% artıb”.

Eləcə də bax: Azərbaycanda gələn ildən pensiyalar artırılır - MƏBLƏĞLƏR

FED.az biznes və maliyyə xəbərləri portalı Apa-ya istinadən xəbər verir ki,  bunu Milli Məclisin Əmək və sosial siyasət komitəsinin iclasında əmək və əhalinin sosial müdafiəsi naziri Sahil Babayev deyib.

Nazir təqaüd xərclərinin isə 4,4 dəfə artdığını bildirib: “Bu parametrlər üzrə 3 illik rəqəmləri müqayisə etdikdə ciddi fərqi görürük. Biz düşünürük ki, sosial xərclər davamlı olaraq artmalıdır. Paralel olaraq isə yaddan çıxartmamalıyıq ki, pensiya sistemi sosial sığorta sistemidir. Pensiyanın artması üçün sosial sığorta ödənişləri artmalıdır. Buna uyğun pensiyalar artırılmalıdır. Dövlət isə minimum pensiyanın artırılması üçün öz öhdəsinə düşən işi görməlidir”.