Banner

Sosial

Müştərinin evində kosmetik xidmətlərə - İCAZƏ VERİLDİ

Müştərinin evində kosmetik xidmətlərə - İCAZƏ VERİLDİ | FED.az
08:19 20 İyul 2020

Xüsusi karantin rejiminin sərtləşdirildiyi şəhər və rayonlarda 2020-ci il 20 iyul tarixdən etibarən müştərinin evində və ya digər məkanda kosmetik xidmətlər göstərilməsinə icazə verilir.

Eləcə də bax: Bərbərxana və gözəllik salonları - AÇILIR

FED.az xəbər verir ki, bu barədə Nazirlər Kabinetinin “Xüsusi karantin rejiminin sərtləşdirilməsi ilə bağlı əlavə tədbirlər barədə” qərarında deyilir.

“Sərt karantin rejimi dövründə bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət) “Müxtəlif ticarət və xidmət sahələrində, ofislərdə koronavirus (COVID-19) infeksiyasının profilaktikasına dair metodik göstərişlər”in tələblərinə uyğun həyata keçirilir”, - deyə qərarda qeyd olunub.

Xatırladaq ki, Bakı, Cəlilabad, Gəncə, Masallı, Mingəçevir, Sumqayıt, Yevlax şəhərlərində və Abşeron, Bərdə, Goranboy, Göygöl, Xaçmaz, Siyəzən və Şəki rayonlarında isə mövcud sanitar-epidemioloji vəziyyətə uyğun olaraq 2020-ci il 5 avqust saat  06:00-dək sərtləşdirilmiş xüsusi karantin rejimi davam edəcək.

"qafqazinfo"

Digər xəbərlər

Banner