Banner

Sosial

KİV nümayəndələri üçün evdən çıxma icazəsi - TƏLƏB EDİLMƏYƏCƏK

KİV nümayəndələri üçün evdən çıxma icazəsi - TƏLƏB EDİLMƏYƏCƏK | FED.az
09:36 4 Aprel 2020

Daxili İşlər Nazirliyi  KİV nümayəndələrinin, o cümlədən fasiləsiz fəaliyyət göstərən qurumların əməkdaşlarının, habelə müvafiq icazə ilə hərəkət edən şəxslərin market və aptekə gedərkən SMS vasitəsilə icazə alması ilə bağlı yayılan məlumatlara aydınlıq gətirib.

Eləcə də bax: “İşə getmək icazəsi olanların digər hallar üçün SMS-ə ehtiyacları yoxdur”

FED.az xəbər verir ki, Daxili İşlər Nazirliyindən  Modern.az-a verilən məlumata görə, həmin şəxslərin 8103 nömrəsinə SMS-lə müraciət etməsi tələb edilmir.

Həmçinin, xidməti vəsiqə və ya iş yeri barədə arayış əsasında hərəkət edən şəxslər, həmçinin barəsindəki məlumatlar işəgötürən tərəfindən “icaze.e-gov.az” portalına daxil edilmiş şəxslərin ərzaq və digər tələbat mallarını, dərman vasitələrini almaq üçün əlavə icazə vasitəsinə müraciət etməsinə ehtiyac yoxdur.

Qeyd edək ki, Nazirlər Kabineti yanında Operativ Qərargahın qəbul etdiyi qərara əsasən, Azərbaycanda 5 aprel 2020-ci il saat 00:00-dan 20 aprel 2020-ci il saat 00:00-dək hərəkət məhdudiyyətləri tətbiq edilib.

Digər xəbərlər

Banner