Azərbaycanda iş axtaran və ya yeni peşəyə yiyələnmək istəyən gənclərin əksəriyyəti bəlkə də xəbərsizdir ki, asanlıqla yeni peşəyə yiyələnə bilərlər. FED.az xəbər verir ki, Əmək və Əhalinin Sosial Müdafiəsi Nazirliyi (ƏƏSMN) gənclər üçün peşə hazırlığı, ixtisasının artırılması, yenidən hazırlığı kursları təşkil edir, özü də pulsuz.
Nazirliyin nəzdində fəaliyyət göstərən Dövlət Məşğulluq Xidmətinin (DMX) gördüyü işlərdən biri də peşə kurslarını təşkil etməkdir.
Hazırda xidmət gənclər üçün 85 peşə üzrə kurslar təşkil edir. Bu kurslarda kompüter dizayneri, avtomobil çilingəri, həsir hörən, traktorçu, kompüter mühasibliyi, telefon ustası, şirniyatçı, məişət cihazlarının ustası, zərgər, videooperator, fotoqraf, barmen, hotel işçisi, «D» kateqoriyalı sürücü və s. kimi peşələr öyrənmək olar. Kursların müddəti 21 gündən 3 aya qədər dəyişir.
Nazirlikən FED.az-a verilən məlumata görə, işsiz gənclərə peşə hazırlığı kursları Bakı ilə yanaşı, bölgələrdə də var. Belə ki, hazırda İsmayıllı və Göyçay şəhərlərində belə mərkəzlər var ki, gənclər burada peşə hazırlığı keçə bilərlər.
Gələn il isə belə bir mərkəzin Gəncə şəhərində işə düşməsi gözlənilir.
Peşə hazırlığı kurslarına yazılmaq istəyənlər əvvəlcə məşğulluq orqanlarına müraciət etməlidirlər. Həmin müraciətdən sonra o gənclər bu mərkəzlərə yönləndirilirlər. Peşə hazırlığı ödənişsiz aparılır.
Əlilliyi olan işsiz gənclər üçün də peşə hazırlığı kursları fəaliyyət göstərir. Ramanada yerləşən bu mərkəzdə peşə hazırlığı keçən əlil gənclər 6 ay müddətində bütün yaşayış imkanları ilə təmin olunurlar və bu zaman ərzində də peşə hazırlığı keçirlər.
İxtisasartırma və hazırlıq üçün nəzərdə tutulan peşələri və hazırlıq müddətini təqdim edirik:
| № | Peşənin adı | Müddəti |
| 1 | Ofisiant | 2 ay |
| 2 | Satıcı - nəzarətçi kassir | 2 ay |
| 3 | Çörəkçi | 2 ay |
| 4 | İngilis dili | 3 ay |
| 5 | Katibə-referent | 2 ay |
| 6 | Makinaçı-kargüzar | 2 ay |
| 7 | Həsir hörən | 2 ay |
| 8 | Avtomobilin təmiri üzrə çilingər | 3 ay |
| 9 | Meyvə-tərəvəz məhsullarının konservləşdirilməsi | 2 ay |
| 10 | Kompüter istifadəçisi | 2 ay |
| 11 | Xalçaçı | 2 ay |
| 12 | Traktorçu-maşınçı | 3 ay |
| 13 | Elektrik montyoru | 2 ay |
| 14 | Quraşdırıcı çilingər | 3 ay |
| 15 | Dərzi | 3 ay |
| 16 | Mühasib | 2 ay |
| 17 | Sahibkarlığın əsasları | 2 ay |
| 18 | Dülgər | 1 ay |
| 19 | Kompüter mühasibliyi | 2 ay |
| 20 | Bərbər | 2 ay |
| 21 | Sığorta agenti | 2 ay |
| 22 | Əl ilə xalça toxumaq | 1 ay |
| 23 | Toxucu | 2 ay |
| 24 | Qənnadçı | 2 ay |
| 25 | Buldozer maşinisti | 2 ay |
| 26 | Tornaçı | 3 ay |
| 27 | Elektrik qaz qaynaqçısı | 3 ay |
| 28 | Mikroelektron (mobil) telefon aparatlarının təmiri üzrə mexanik | 3 ay |
| 29 | Lift mexaniki | 2 ay |
| 30 | Soyuducu qurğularının təmiri üzrə mexanik | 2 ay |
| 31 | Kompüter texnikasının təmiri ustası | 3 ay |
| 32 | Radio, televiziya aparatlarının, video texnikasının təmiri ustası | 2 ay |
| 33 | Məişət elektrik avadanlıqlarının təmiri ustası | 2 ay |
| 34 | Alüminium və plastik materiallardan məmulatların yığıcı çilingəri | 2 ay |
| 35 | Qazanxana maşinisti | 2 ay |
| 36 | Mebel quraşdırıcısı | 2 ay |
| 37 | Məişət qaz cihazlarının təmiri üzrə çilingər | 2 ay |
| 38 | Ayaqqabının fərdi tikişi və təmiri ustası | 2 ay |
| 39 | Körpülü kran maşinisti | 3 ay |
| 40 | Daşkəsən maşınların maşinisti | 3 ay |
| 41 | Neft və qaz quyularının operatoru | 3 ay |
| 42 | Eynək təmiri ustası | 1 ay |
| 43 | İnternet üzrə operator | 1 ay |
| 44 | Kompüterçi dizayner | 2 ay |
| 45 | Videooperator | 2 ay |
| 46 | Saatsaz | 2 ay |
| 47 | Zərgər | 3 ay |
| 48 | Tikişçi | 2 ay |
| 49 | Geniş profilli dəzgahçı | 3 ay |
| 50 | Misgər-tənəkəçi | 3 ay |
| 51 | Daş üzərində oyma | 3 ay |
| 52 | Duluzçu | 3 ay |
| 53 | Şəbəkəçi | 3 ay |
| 54 | "B" kateqoriyalı sürücü | 3 ay |
| 55 | "D" kateqoriyalı sürücü | 3 ay |
| 56 | Proqramla idarə olunan dəzgahlar üzrə təmirçi çilingər | 3 ay |
| 57 | Rəqəmlə idarə olunan dəzgahlar üzrə təmirçi çilingər | 3 ay |
| 58 | Radioelektron cihaz və aparatlarının montacçısı | 3 ay |
| 59 | Çap lövhələrinin hazırlanması texnologiyası | 3 ay |
| 60 | Çirkab sularının təmizlənməsi üzrə aparatçı | 3 ay |
| 61 | Çilingər-yığıcı | 3 ay |
| 62 | Çəkic və presdə dəmirçi | 3 ay |
| 63 | Qalvançı | 3 ay |
| 64 | Termist | 3 ay |
| 65 | Ştamplayıcı | 3 ay |
| 66 | Təmirçi çilingər | 3 ay |
| 67 | Pardaqlayıcı | 3 ay |
| 68 | Kimyəvi misləşdirmə operatoru | 3 ay |
| 69 | Presləyici | 3 ay |
| 70 | Plastmastökən | 3 ay |
| 71 | Alətçi çilingər | 3 ay |
| 72 | Elektrik avadanlıqlarının tənzimləyicisi | 3 ay |
| 73 | Kompüter biliklərinin əsasları | 21 gün |
| 74 | Mexaniki yığma işləri üzrə çilingər | 3 ay |
| 75 | Bələdçi (Gid) | 3 ay |
| 76 | Barmen | 3 ay |
| 77 | Kastelyanşa | 3 ay |
| 78 | Mehmanxana qulluqçusu | 3 ay |
| 79 | Fotoqraf | 3 ay |
| 80 | Aşbaz köməkçisi | 3 ay |
| 81 | Kansyerj | 3 ay |
| 82 | Mehmanxana qapıçısı | 3 ay |
| 83 | Qeydiyyatçı (mehmanxanada) | 3 ay |
| 84 | Ekskursiya təşkilatçısı | 3 ay |
| 85 | Səyahət təşkilatçısı | 3 ay |
İşaxtaran və işsiz vətəndaşların müvəqqəti məşğulluğunu təmin etmək üçün həyata keçirilən tədbirlərdən biri də haqqı ödənilən ictimai işlərin təşkilidir. Haqqı ödənilən ictimai işlər işaxtaran və işsiz vətəndaşların xüsusi peşə hazırlığı tələb edilməyən müvəqqəti əmək fəaliyyətidir.
İctimai işlərin aşağıdakı növləri təşkil edilə bilər:
- ərazinin, küçə, park və meydanların abadlaşdırılması;
- yaşayış əraziləri, xəstəxana, məktəb, məktəbəqədər uşaq müəssisələri, yataqxana və pansionatlar, qocalar və əlillər üçün internat evləri, habelə sosial sferanın digər obyektlərində tikinti və təmir işləri;
- yol və körpülərin, istilik və qazanxana sistemlərinin təmiri və tikintisi;
- kənd təsərrüfatı müəssisələrinə köməklik göstərilməsi ilə əlaqədar işlər;
- təbii fəlakətlərin nəticələrinin aradan qaldırılması işləri;
- qocalara, əlillərə qulluq;
- digər sosial əhəmiyyətli işlər.
