Banner

Sosial

İlin sonunadək daha 3 təqaüd və 3 müavinət növü - ELEKTRONLAŞDIRILACAQ

İlin sonunadək daha 3 təqaüd və 3 müavinət növü - ELEKTRONLAŞDIRILACAQ | FED.az
14:21 16 İyun 2020

Sosial təminat sistemində aparılan islahatların bir istiqaməti də, xüsusilə pensiya təminatı sisteminin həssas qruplara münasibətdə daha humanist yanaşmalar üzərində qurulması, eyni zamanda bu sahədə proaktiv xidmətlərin dairəsinin genişləndirilməsidir. Bunu Əmək və Əhalinin Sosial Müdafiəsi naziri Sahil Babayev pensiya, müavinət və təqaüd məsələləri ilə bağlı işçi qrupunun videokonfrans formatında keçirilən iclasında bildirib.

Eləcə də bax: Rəsmi: Dövlət qulluqçularının orta aylıq əməkhaqqı - 1 022 MANAT OLUB

Nazirlikdən FED.az-a verilən məlumata görə, S.Babayev bildirib ki, sosial təminat növləri üzrə yeni e-təyinat sistemlərinin hazırlanması prosesi davam edir. Bu ilin sonunadək daha 3 təqaüd və 3 müavinət növünün elektronlaşdırılması nəzərdə tutulub. Hərbi qulluqçular və xüsusi rütbəli şəxslərə pensiya təyinatının elektronlaşdırılması istiqamətində işlər aparılır. Bununla bağlı məlumat vərəqələrinin elektron forması hazırlanaraq test edilib. Ümumən, əsas hədəf budur ki, sosial təminat sahəsində proaktiv xidmətlərin əhatə dairəsi getdikcə genişlənsin. 

İclasda sosial təminat sahəsində qanunvericiliyin təkmilləşdirilməsi üçün təkliflər, yeni e-təyinat sistemlərinin yaradılması, ölkənin pensiya təminatı sisteminin uzunmüddətli inkişaf strategiyasının (yol xəritəsi) hazırlanması, müavinət və təqüdlərin təyinatının ölkə üzrə tam mərkəzləşdirilməsi və s. məsələlərdən bəhs edilib.

Digər xəbərlər

Banner