Azərbaycanda yük daşıma şirkətlərinin sayı getdikcə çoxalır. Şirkətlərin bəziləri yalnız ölkədaxili, bir neçəsi isə, beynəlxalq arenada da yüklərin daşınmasını həyata keçirir. Lakin yük daşıma şirkətlərinin təklif etdiyi qiymətlər fərqlidir. Hansı şirkətin daha ucuz daşıma həyata keçirdiyi öyrənmək məqsədilə kiçik bir araşdırma aparılıb.
Eləcə də bax: Bakıda ən ucuz taksi hansıdır? – QİYMƏTLƏR VƏ MÜQAYİSƏ
Paytaxt Bakıdan 326 km məsafədə yerləşən Qəbələ şəhərinə 500 kq yükün daşınma qiyməti öyrənilib. Yükü Bakıda “20 yanvar” metrosu yaxınlığından yük yeri 4 metr olan avtomobillə Qəbələ şəhərinin mərkəzinə neçə manata aparmaq olar?
“19 20” Yükdaşıma Xidməti – 120 manat
“166” Yükdaşıma Xidməti – 200 manat
“188” Yükdaşıma Xidməti – 160 manat
“İncəli” Yükdaşıma Xidməti - 170 manat
“Ekspress” Yükdaşıma Xidməti – 120 manat.
Əgər yükünüzü avtomobilə yükləyib və mənzil başında boşaltmağı da Yükdaşıma Xidmətinə həvvalə edirsizsə, daşınma xərci artacaq. Məsələn, “188” Yükdaşıma Xidməti qeyd edilən yükü daşımaq üçün sizi iki fəhlə ilə təmin edərsə, 240 manat ödəyəcəksiz. Bu xidməti “Ekspress” Yükdaşıma Xidməti isə 200 manata həyata keçirəcək. “166” Yükdaşıma Xidməti isə, sizin yükünüzü yükləyib-boşaldan 1 fəhlə üçün 30 manat əlavə ödəniş tələb edir.
