Sosial

Əlilliyi olan şəxslər üçün reabilitasiya vasitələri - EVLƏRİNƏ APARILACAQ

Əlilliyi olan şəxslər üçün reabilitasiya vasitələri - EVLƏRİNƏ APARILACAQ | FED.az
12:36 30 Mart 2020

Xüsusi karantin rejimi müddətində Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzi tərəfindən Bakı, Sumqayıt şəhərləri və Abşeron rayonu üzrə əlilliyi olan şəxslərə reabilitasiya vasitələri evlərinə aparılıb veriləcək.

Nazirlikdən FED.az-a bildirilib ki, həmin əlilliyi olan şəxslər ehtiyac duyduqları reabilitasiya vasitələri (əlil arabası, dördayaqlı dayaq vasitəsi,  qoltuqaltı və dirsəkaltı ağac, əsa və s. )  ilə təmin edilmək üçün 077 489 90 00,  077 489 90 04 və 077 489 90 05 telefon nömrələri ilə əlaqə saxlayaraq müraciət edə bilərlər.

Müraciətlər əsasında reabilitasiya vasitələri 5 gün ərzində yaşadıqları ünvanlarda onlara təqdim olunacaq.

Digər xəbərlər

Banner