Əmək və Əhalinin Sosial Müdafiəsi Nazirliyi (ƏƏSMN) daha 10 min işsiz şəxs üçün birdəfəlik ödəməni bank filiallarına və poçt şöbələrinə köçürüb.
Eləcə də bax: 10 min nəfərə 190 manat - ÖDƏNİLDİ
FED.az xəbər verir ki, bu barədə ƏƏSMN-nin mətbuat xidmətinin rəhbəri Fazil Talıblı bildirib.
Nazirlik rəsmisi qeyd edib ki, bu barədə ödəməni alacaq şəxslərin müraciət edərkən qeyd etdikləri telefon nömrəsinə SMS göndəriləcək:
“Mesajı aldıqdan sonra onlar evdən çıxmaq üçün müvafiq qaydada icazə alaraq, SMS-də “Azərpoçt” MMC qeyd edilibsə - istənilən poçt şöbəsinə, SMS-də bank göstərilibsə - həmin bankın istənilən filialına şəxsiyyət vəsiqəsi ilə müraciət edib vəsaitlərini ala bilərlər.
Dünəndən işsiz şəxslərin birdəfəlik ödəmə ilə təminatına başlanıb və ötən gün də 10 min şəxsə ödəniş edilib”.
“İşsiz kimi qeydiyyata alınan şəxslərə ödəmələrin verilməsi gündəlik olaraq davam edəcək və digər işsiz şəxslər də bu dəstəklə təmin olunacaqlar”.
Modern
