Bu gün (23 Noyabr) "Black Friday" (Qara Cümə) endirimi günüdür. Bütün dünya əşya almaq üçün xüsusən bu günü gözləyir. Bir çox saytlar, mağazalar mallara bu gündən etibarən böyük endirimlər tətbiq edəcəklər.
BLACK FRIDAY TARİXİ HAQQINDA
"Black Friday" ABŞ-da başlayıb. "Black Friday", ABŞ-da Minnətdarlıq Günündən (ABŞ-da noyabr ayının dördüncü cümə axşamı günü qeyd olunur) sonra gələn ilk cümə gününə deyilir. Bu gün 1932-ci ildən bu yana Milad alış-verişi mövsümünün başlanğıcı qəbul edilir. Mağazalar çox erkən saatda açılır və məhsullara gözlənilməz dərəcədə endirimlər edirlər.
Bu alış-veriş günündən, tarixdə ilk dəfə 1961-ci ildə qəzetlərdə "Black Friday" olaraq bəhs edilmişdir. O cümə Filadelfiyada, alış-verişlərə görə, yollarda yaranmış "tıxac" və çətinliklərə görə bu ad verilmişdir.
