Bakıda yeni tikilən binalarda mənzil qiymətinə qarajlar satışa çıxarılır. MTK-lar qaraj üçün 10 kvadrat metrlik sahəni təxminən 60 min manata satırlar.
FED.az xəbər verir ki, bu barədə “Xəzər” TV-də yayımlanan süjetdə deyilir.
Ekspertlər hesab edirlər ki, qiymətlərin belə yüksək olması tələbatın çox olması ilə bağlıdır. Avtomobili olan sakinlər ya birdəfəlik ödənişlə qaraj almağa məcbur olurlar, ya da aylıq müəyyən məbləğ qarşılığında bu xidmətdən istifadə edirlər.
Üstəlik, qarajlar üçün dövlət reyestr xidmətindən çıxarış nəzərdə tutulmadığından mülkiyyət hüququ daşımır.
Əmlak üzrə ekspert Nofəl Quliyevin sözlərinə görə, belə olan halda gələcəkdə vətəndaş problemlə üzləşə bilər.
Ekspert qeyd edib ki, əksər xarici ölkələrdə mənzil alan sakin həm də qaraja sahib olur.
Eləcə də bax: Türkiyədə dövlət kasıbları necə dəstəkləyir? - DETALLAR
