Xəbər verildiyi kimi, artıq gələn ildən Azərbaycanda 4K görüntülü teleyayıma başlamaq planlaşdırılır. Amma bu formatın özəlliklərini hiss etmək üçün yayıma 4K-nı dəstəkləyən televizorlarda baxmaq daha məqsədəuyğundur.
FED.az əhali üçün maraqlı olacağını nəzərə alaraq paytaxt mağazalarında 4K televizorlarının qiymətləri, özəllikləri və satış şərtləri ilə maraqlanıb. Məlum oldu ki, 4K telşevizorların qiyməti 1300-1500 manatdan başlayır, ölçüləri, göstəriciləri və digər funksiyalarından asılı olaraq daha yüksək qiymətlərədək artır.
LG LED 4K – 1599 manat
Belə ki, LG LED 4K televizorunun qiyməti 1599 manatdır. Nəğd ödəniş olunacağı təqdirdə bu televizoru 1449 manata əldə etmək olar. 124 sm.-lik ekran ölçülərinə sahib bu televizorda Smart TV və Wi-Fi mövcuddur.
Haier Ultra HD 4K – 1399 manat
Haier Ultra HD 4K televizorlarının qiyməti isə 1399 manatadır. Smart TV, WiFi və Ethernet mövcuddur. Ekran ölçüsü 139 sm.-dir.
SMART SONY 4K – 9999 manat
SMART SONY 4K televizorlarının qiyməti isə 9999 manatdır. Ekran ölçüsü 190 sm.-dir. Tezlik 1000 Hz., səsin gücü 20 W., USB portların sayı 3, HDMI girişlərin sayı isə 4dənə.
Samsung Ultra HD 4K – 1830 manat
Samsung Ultra HD 4K televizorlarının digər bir mağazadakı qiyməti isə 1830 manatdır. Burada da pulsuz çatdırılma və rəsmi zəmanət ilə 14 gün ərzində geri qaytarma imkanları təqdim olunur. Ekran ölçüsü 140 sm., ekran sürəti 100 Hz., səs gücü 20 W., olan bu televizorda Smart TV, Ethernet və Wi-Fi mövcuddur.
Samsung Ultra HD 4K – 9521 manat
Samsung Ultra HD 4K televizorlarını isə 9521 manat nəğd ödəməklə əldə etmək olar. Bu televizorlara rəsmi zəmanət və 14 gün ərzində dəyişmək imkanı təklif olunur. Ekran ölçüsü 191 sm., ekran sürəti 200 Hz. olan bu televizorda Smart TV və Wi-Fi mövcuddur.
Bakıda 4K televizorları neçəyədir? – QİYMƏTLƏR
14:30
8 Noy 2017
