2025-ci ildə Azərbaycanın 6 rayonunda yeni iş yeri açılmayıb.
FED.az biznes və maliyyə xəbərləri portalı Dövlət Statistika Komitəsinə istinadən xəbər verir ki, 2025-ci ilin ilk 9 ayında ölkənin 6 rayonunda yeni iş yerləri açılmayıb.
Qeyd edək ki, yeni iş yerinin yaradılması, regionda işgüzar aktivliyin, biznesin fəallığının əsas göstəricilərindən biridir. Eyni zamanda yeni iş yerlərinin yaradılması əhalinin rifahına təsir edən amillərdəndir.
Yeni iş yeri yaradılmayan rayonların əksəriyyəti Naxçıvan Muxtar Respublikasında yerləşir.
Beləliklə, 2025-ci ilin yanvar-sentyabr aylarında yeni iş yerləri yaradılmayan rayonlar
Babək, Cülfa, Kəngərli, Sədərək, Şahbuz və Xızı rayonudur.
Qeyd edək ki, sözügedən rayonlarda yeni iş yerlərinin yaradılması ilə bağlı çətinlik ötən il də müşahidə edilib.
Belə ki, 2024-cü ildə Kəngərli rayonunda ümumiyyətlə iş yeri yaradılmayıb, Sədərək və Culfa rayonlarında 1, Bəbək rayonunda 2, Xızı rayonunda 7, Şahbuzda isə cəmi 11 iş yeri açılmışdı.
