Bu ilin avqustun 1-nə ölkə üzrə orta aylıq nominal əməkhaqqı 1 098,1 manat təşkil edib. Bu göstərici, dövlət sektorunda 1 066,9 manat, qeyri-dövlət sektorunda isə 1 129,2 manat olub.

Ən yüksək əməkhaqqı verilən sektorlar:

Cədvələ əsasən, ən yüksək orta aylıq əməkhaqqı Maliyyə və sığorta fəaliyyəti, Mədənçıxarma sənayesi, İnformasiya və rabitə, eləcə də Peşə, elmi və texniki fəaliyyət sahələrində müşahidə olunur.

Maliyyə və sığorta fəaliyyəti: Bu sektor 3 015,3 manat ilə ən yüksək orta əməkhaqqına malikdir. Xüsusilə dövlət sektorunda 3 911,7 manatla çox yüksək göstərici qeydə alınıb.Qeyri-dövlət sektoru da 2 188,6 manata bərabərdir

Mədənçıxarma sənayesi: 3 692,5 manatla ikinci ən yüksək orta əməkhaqqına malikdir. Bu sektorda qeyri-dövlət sektorunun (4 384,5 manat) dövlət sektorunu (2 345,3 manat) kəskin dərəcədə üstələməsi görünür.

İnformasiya və rabitə: 1 895,7 manat orta əməkhaqqı ilə perspektivli sektorlardan biridir. Qeyri-dövlət sektorunda orta aylıq maaş 2 107,6 manat, dövlət sektorunda iaə 1593,9 manatdır

Peşə, elmi və texniki fəaliyyət sahəsində orta əməkhaqqı  1852,6 manatdır. Qeyri-dövlət sektorunda orta aylıq maaş 2347,9 manata, dövlət sektorunda isə 1 292,8 manata brəabərdir

Nəqliyyat və anbar təsərrüfatında 1546,4 manat orta əməkhaqqı ilə vacib sektorlardandır. Burada dövlət sektoru üzrə göstərici 1 639,3 manat, qeyri-dövlət sektoru üzrə 1 425,1 manat təşkil edir. 

Dövlət idarəetməsi və müdafiə; sosial təminat: 1 486,4 manat orta əməkhaqqı ilə dövlət sektorunda 1517,9 manat olmaqla daha yüksək göstəriciyə malikdir. Özəl sektorda isə bu rəqəm 614,7 manata bərabərdir.

Tikinti: 1159,0 manat orta əməkhaqqı ilə iqtisadiyyatın inkişafında mühüm rol oynayan sektordur. Qeyri-dövlət sektoru (1171,2 manat) bu sahədə dövlət sektorundan (1112,6 manat) bir qədər yüksək maaşlar təklif edir.

Ən aşağı əməkhaqqı verilən sektorlar:

Cədvəldən göründüyü kimi, Kənd təsərrüfatı, meşə təsərrüfatı və balıqçılıq ən aşağı orta aylıq əməkhaqqına (689,5 manat) malikdir.

Digər aşağı əməkhaqqı alan sektorlar arasında İnzibati və yardımçı xidmətlər (714,8 manat), Ticarət; nəqliyyat vasitələrinin təmiri (739,7 manat) və Su təchizatı, tullantıların təmizlənməsi və emalı (755,5 manat) yer alır.