“Bu il iyul və avqust aylarında anomal istilər müşahidə olunacaq”.
Bunu FED.az-a Ekologiya və Təbii Sərvətlər Nazirliyinin şöbə müdiri Umayra Tağıyeva deyib.
Onun sözlərinə görə, həmin aylarda havanın temperaturu normadan xeyli fərqlənəcək: “Yay aylarında anomal istilər insanların səhhətinə ciddi mənfi təsir göstərir. 2006-cı ildə anomal istilərə görə çağırışların sayı 24 faiz artmışdı. Bu da onu göstərir ki, anomal istilər təhlükəlidir. Biz əhaliyə müraciət etmək istəyirik ki, anomal istilərdə günəş şüaları altında qalmaq olmaz. Anomal isti yay aylarında günorta saatlarında 11-dən 5-ədək günəş şüaları altında qalmaq risklidir”.
