AAAF Park Yaşayış Kompleksinin park ərazisinə, yəni əyləncə və istirahət ərazisinə - girişin sakinlər üçün PULSUZ, qonaqlar, yəni sakin olmayan şəxslər üçün ödənişli edilməsi ilə bağlı addımlar atılmağa başlayıb. FED.az xəbər verir ki, bu barədə kompleksdən bildirilib. «Bunu etməyimizdə məqsəd ilk növbədə sakinlərin rahatlığını təmin etməkdir. Qonaqlar isə müəyyən ödənişlə park ərazisinə giriş edə biləcək, o ödənişin əvəzində güzəştlər əldə edəcəklər. Şərtlər barədə sonra ətraflı məlumat veriləcək. Hazırda bu layihənin iş mexanizmi və hüquqi əsasıhazırlanır»-deyə açıqlamada bildirilir.
Qeyd edək ki, bu qayda insanların yaşadıqları mənzil, ev, bina olan əraziyə aid deyil: «Öz ayrı girişləri olan o məkanlara gediş-gəlişdə problem yoxdur, əvvəl də olmayıb, bundan sonra da ola bilməz. Əsas fikir park ərazisi ilə bağlıdır». Sakinlər və AAAF-dan ev almaş şəxslər isə bura daxil olmaq üçün isə birdəfəlik kart almalı olacaqlar. Kartın qiyməti adambaşına 5 manat təşkil edir.
Kompleksə daxil olmaq istəyən qonaqlar isə kart aldıqda böyüklər üçün 5 manat, 3-10 yaşlı uşaqlar üçün 3 manat ödəməli olcaqlar.
AAAF Park-a giriş pullu oldu - YENİLİK
16:42
30 May 2018
