İtaliyanın "Golden Goose"şirkəti tərəfindən istehsal olunan "Superstar taped sneakers model" ayaqqabı İtaliyada 375 avroya, ABŞ-da isə 530 dollara (900 manata) satılır.
FED.az xəbər verir ki, köhnə görünüşlü ayaqqabı modeli "yoxsulluqla istehza edildiyi" səbəbilə böyük reaksiyaya səbəb olub.
Ayaqqabıların ABŞ-dakı satış qiyməti sosial mediada böyük bir müzakirəyə səbəb olub. Köhnə görünüşlü bir ayaqqabının 530 dollara satılması bəzi "Twitter" istifadəçiləri tərəfindən "yoxsulluqla lağ etmək" kimi şərh olunub.
Sosial media istifadəçiləri, bu ayaqqabının, həqiqətən yeni ayaqqabı almağa gücü çatmadığı üçün cırılana qədər köhnə ayaqqabılarını geymək məcburiyyətində qalan insanlara qarşı qəddarlıq olduğunu qeyd ediblər.
"LÜKS MARKALAR İNSANLARIN YOXSULLUQ DƏRDLƏRİNİ PULA ÇEVİRİRLƏR"
Bir "Twitter" istifadəçisi də, "Kasıblıq real bir şeydir, mən keçmişdə köhnə paltarıma görə zorakılığa məruz qaldım, o zaman bu paltarlar dəbdə deyildi. İndi isə lüks brendlər çox sayda insanın keçmişdəki və bugünkü yoxsulluq mənbəli dərdlərini pula çevirirlər" yazıb.
Bir başqa istifadəçi də "Yeni ayaqqabı almağa gücü çatmayanların ayaqqabılarına bənzəyən ayaqqabıları 530 dollara satmaq kapitalizmin zirvəsidir" - deyə yazıb..
Eyni marka 2 il əvvəl də bənzər şəkildə istehsal etdiyi köhnə görünüşlü bir ayaqqabı modeli üçün "köhnəlmiş mənzərənin modadakı ən böyük meyllərdən biri olduğu" açıqlamasını etmişdi.
