FED.az xəbər verir ki, Azərbaycan sığorta bazarının qabaqcıl şirkətlərindən olan “Xalq Sığorta” ASC müştərilərin rahatlığını düşünərək, onların vaxtlarına dəyər verərək icbari avtomobil sığortasını daha asan və əlçatan edib. Belə ki, “Xalq Sığorta” ASC tərəfindən avtonəqliyyat vasitəsi sahiblərinin mülki məsuliyyətinin icbari sığortası növünün onlayn formada əldə olunması təmin olunub.
Hər bir avtonəqliyyat vasitəsi sahibi “Xalq Sığorta” şirkətinin rəsmi veb-saytına (www.xalqsigorta.az) daxil olaraq avtonəqliyyat vasitəsi sahiblərinin mülki məsuliyyətinin icbari sığortası növü üzrə asanlıqla sığortalana bilər.
Avtonəqliyyat vasitəsi sahiblərinin mülki məsuliyyətinin icbari sığortası növü üzrə onlayn sığortalanmaq istəyən avtonəqliyyat vasitəsi sahibləri sığortalanma zamanı hər hansı maneələrlə qarşılaşdığı təqdirdə “Xalq Sığorta” ASC-nin 183 Qaynar xətti ilə əlaqə saxlayıb məlumat verə bilərlər.
Xatırladaq ki, 2005-ci ildən fəaliyətə başlayan "Xalq Sığorta" ASC uğurlu və keyfiyyətli xidmətləri ilə bazarda yüksək imicə malikdir. Hazırda şirkət müştərilərə 20-dən çox könüllü və 3 icbari sığorta növü üzrə xidmətlər təklif edir.
