"Xalq Sığorta" ASC sığorta ehtiyatına 13 milyon 219 min manat ayırdığı üçün 2022-ci ili 12 milyon 226 min manat xalis zərər ilə başa vurub. Şirkət 2021-ci ili 5 milyon 29 min manat xalis mənfəət ilə bağlamışdı.
Sığorta ödənişlərinin həcmi üzrə - ŞİRKƏTLƏRİN RENKİNQİ (YANVAR-FEVRAL, 2023)
FED.az xəbər verir ki, 2022-ci ildə "Xalq Sığorta" şirkətinin cəmi əməliyyat gəlirləri 31 milyon 772 min manat, cəmi əməliyyat xərcləri 43 milyon 998 min manat, əməliyyat zərəri 12 milyon 225 min manat təşkil edib. 2021-ci ildə Şirkətin cəmi əməliyyat gəlirləri 37 milyon 437 min manat, cəmi əməliyyat xərcləri 32 milyon 977 min manat, əməliyyat mənfəəti 4 milyon 460 min manat təşkil etmişdi.
"Xalq Sığorta"nın hesabladığı sığorta haqları 2021-ci ildə 35 milyon 633 min manat ikən, 2022-ci ildə 42 milyon 260 min manata yüksəlib (18,6% və ya 6 milyon 627 min manat artıb). Şirkətin sığorta ödənişləri isə 21 milyon 821 min manatdan 26 milyon 242 min manata qalxıb (20,3% və ya 4 milyon 421 min manat artıb).
Ötən il "Xalq Sığorta"nın investisiya gəlirləri 1 milyon 945 min manat təşkil edib (2021-ci ildə 2 milyon 280 min manat).
2005-ci ildən başlayaraq "Xalq Sığorta" ASC universal sığorta şirkəti kimi fəaliyyət göstərir. Şirkətin nizamnamə kapitalı 58 milyon 750 min 500 manat təşkil edir.
