Bu ilin yanvar-avqust aylarında “Qala Həyat Sığorta” ASC-nin topladığı sığorta haqqlarının həcmi 18 milyon 25 min manat olub.
Sığorta ödənişlərinin dinamikası üzrə - ŞİRKƏTLƏRİN RENKİNQİ (YANVAR-AVQUST, 2026)
FED.az biznes və maliyyə xəbərləri portalı xəbər verir ki, ötən ilin eyni dövrü ilə müqayisədə şirkətin yığımları 3 milyon 38 min manat və ya 14,4% azalıb.
Hesabat dövründə şirkətin sığorta ödənişlərinin həcmi 3 milyon 271 min manat olub ki, bu da, illik müqayisədə 1 milyon 162 min manat, yaxud da 55,1% çoxdur.
Bu ilin ilk 8 ayında “Qala Həyat Sığorta” ASC-nin ödəniş/yığım nisbəti (zərərlilik göstəricisi) 18,1%-ə bərabər olub. Yəni şirkət topladığı hər 100 manat sığorta haqqından 18,1 manat geri ödəniş edib. Bu rəqəm 2025-ci ilin ilk 8 ayından bəri 8 faiz bəndi artıb.
Qeyd edək ki, 2025-ci ilin eyni dövründə “Qala Həyat Sığorta” ASC-nin yığımlarının həcmi 21 milyon 63 min manat, ödənişlərinin həcmi 2 milyon 109 min manat, ödəniş/yığım nisbəti 10% olub.
Məlumat üçün bildirək ki, 2025-ci ilin ilk 8 ayında sığorta şirkətləri 1 milyard 48,1 milyon manat sığorta haqqı toplamışdılarsa, 2026-cı ilin eyni dövründə bu göstərici 1 milyard 115,4 milyon manata yüksəlib. Beləliklə, sığorta yığımları bir ildə 67,3 milyon manat və ya 6,4% artıb.
Bundan başqa, 2025-ci ilin yanvar-avqustunda sığorta şirkətləri 603,4 milyon manat ödəniş etmişdilər. 2026-cı ilin eyni dövründə ödənişlər 773,2 milyon manata çatıb. Nəticədə ödənişlər bir ildə 169,7 milyon manat və ya 28,1% artıb.
Bu dinamika yığım/ödəniş nisbətinə də ciddi təsir edib. 2025-ci ilin ilk 8 ayında hər 100 manat yığıma təxminən 57,6 manat ödəniş düşürdüsə, 2026-cı ildə bu göstərici 69,3 manata yüksəlib.
