Azərbaycanın həyat sığortası xidmətləri üzrə ixtisaslaşmış aparıcı şirkəti olan “Qala Həyat” bu ilin aprel ayında həyat sığortası bazarının ən populyar şirkəti olub.
Şirkətin İctimaiyyətlə Əlaqələr Xidmətindən verilən məlumata görə, “Media Consulting & Sevices” (MC&C) media monitorinq qrupu cari ilin aprel ayı üzrə aparılan monitorinqin nəticələrini açıqlayıb.
Media monitorinqin əhatəsinə daxil olan məlumatlar say, xarakter və məzmun üzrə təhlil olunaraq, sektorlar üzrə şirkətlərin media reytinqi hesablanıb.
Nəticədə aprel ayı ərzində həyat sığortası bazarı üzrə haqqında ən çox danışılan sığorta şirkəti “Qala Həyat” olub. Belə ki, "Qala Həyat" 76 məlumatla 1-ci yerdə qərarlaşaraq liderlik mövqeyini nümayiş etdirib.
Qeyd edək ki, “Qala Həyat” mətbuata daha yaxın və daha şəffaf şirkət kimi tanınır. Bu, şirkətin KİV-lə münasibətlərinin düzgün formada qurulmasından, bir sözlə mətbuata açıq olmasından irəli gəlir.
“Qala Həyat” 2011-ci ildən fəaliyyət göstərir. Şirkətin əsas səhmdarı ölkənin ən iri sığorta qurumu olan “AzRe Təkrarsığorta” şirkətidir. Cari ilin may ayının 1-nə şirkətin nizamnamə kapitalının həcmi 12,870 mln. manat təşkil edib.
Şirkət müştərilərə qanunvericliklə nəzərdə tutulmuş həyat sığortasının bütün növləri üzrə, o cümlədən “İpoteka krediti üzrə borcalanın həyat sığortası”, “Kapital proqramı üzrə həyat sığortası”, “Bədbəxt hadisələrdən sığorta”, “Həyatın sağalmaz xəstəliklərdən sığortası”, “Uşaqların xeyrinə yığım sığortası” və “İstehsalatda bədbəxt hadisələr və peşə xəstəlikləri nəticəsində peşə, əmək qabiliyyətinin itirilməsi hallarından icbari sığorta”sı üzrə xidmətlər göstərir.
“Qala Həyat” ölkənin ən populyar sığorta şirkəti oldu
11:13
3 May 2018
